Хаартыска: тэрээһин кыттыылаахтарыттан
Сэтинньи 3 күнүгэр Хотугулуу-Илиҥҥи федеральнай университет Олоҥхо научнай-чинчийэр институтун бастакы дириэктэрэ, уһулуччулаах учуонай, бэрэпиэссэр Василий Ивановка аналлаах мемориальнай дуоска арылынна.
Мемориальнай дуоска Дьокуускай куоракка Ленин проспегын 22/1 учуонай олорбут дьиэтин эркинигэр уурулунна.
Бэрэпиэссэр кэргэнэ, ХИФУ бэрэпиэссэрэ Людмила Иванова: «Василий Иванов – саха норуотун уонна норуот бэрэстэбиитэллэрин чиэһин уонна үчүгэй өрүттэрин, устуоруйа кырдьыгын, норуот өйдөбүлүттэн суох оҥоһуллубут өрөспүүбүлүкэ улууканнаах уолаттарын үтүө ааттарын төнүннэрэр иһин охсуспут Саха сирин чаҕылхай уола. Кини улахан кылаатын устуоруйа, наука, үрдүк үөрэхтээһин уонна култуура сайдыытыгар киллэрбитэ. Василий Николаевич кэбиниэккэ олорор учуонай буолбакка, уопсастыбаннай диэйэтэл, өрөспүүбүлүкэ бастакы бэрэсидьиэнэ Михаил Николаев биир санаалааҕа этэ. Өрөспүүбүлүкэ улуу Арассыыйа састаабыгар баар буолуохтааҕын туһунан санаатын аһаҕастык үллэстэрэ», -– диэн ахтан-санаан ааста уонна өйдөбүнньүк дуоска ааптардара, скульптордар Николай Чоччасовка уонна Николай Амыдаевка махтанна.
Эҕэрдэ тылларын Олоҥхо институтун дириэктэрин эбээһинэһин толорооччу Руслан Анисимов, ХИФУ бэрэсидьиэнэ Евгения Михайлова тириэртилэр.
Мемориальнай дуосканы үөрүүлээх быһыыга-майгыга арыйар чиэс СӨ норуодунай дьокутаата Антонина Григорьеваҕа, ХИФУ ректора, СӨ норуодунай дьокутаата Анатолий Николаевка, РНА Гуманитарнай чинчийиилэргэ уонна Хотугу сир аҕыйах ахсааннаах норуоттарын кыһалҕаларыгар институтун дириэктэрэ Сардаана Бояковаҕа, учуонай сиэнэ Василий Ивановка бэрилиннэ.
Тэрээһиҥҥэ ону сэргэ СӨ култуураҕа уонна духуобунай сайдыыга миниистирэ Афанасий Ноев, СӨ үөрэхтээһиҥҥэ уонна наукаҕа миниистирин солбуйааччы Виктория Захарова, Ем.Ярославскай аатынан Хотугу сир норуоттарын устуоруйатын уонна култууратын Саха сиринээҕи судаарыстыбаннай холбоһуктаах мусуойун дириэктэрэ, СӨ Судаарыстыбаннай мунньаҕын (Ил Түмэн) дьокутаата Николай Бугаев, ХИФУ устуоруйаҕа факультетын декана Наталья Стручкова уонна академик Василий Николаевич Иванов үөрэнээччилэрэ, биир идэлээхтэрэ кытыннылар.
Күн астрономиятын лабораторията ахсынньы 24 күнүнээҕи геомагнитнай хамсааһынын сабаҕалааһынын таһаарда. Лаборатория дааннайдарынан, ахсынньы 24 күнэ…
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…