Олоҥхо Ыһыаҕыттан кыайыы көтөллөөх
“Олоҥхо Ыһыаҕа – 2023” киэҥ хабааннаах национальнай бырааһынньыкка өрөспүүбүлүкэ оройуоннарыттан, Арассыыйа куораттарыттан уонна тас дойдулартан 5 тыһыынчаттан тахса киһи түмүстэ.
Саха сирин баһылыга Айсен Николаев эрдэ бэлиэтээбитинэн, Олоҥхо улуу эпоһын көмөтүнэн саха норуотун аата аан дойдуга билиннэ.
Олоҥхо Ыһыаҕар 80 тахса тэрээһин – “Дугуйа Бөҕө” олоҥхо-испэктээкил премьерата, олоҥхо өрөспүүбүлүкэтээҕи марафона, уустар, оһуохайдьыттар күрэстэрэ, ат симэҕин күрэһэ, успуорт национальнай көрүҥнэригэр күрэхтэһии уо.д.а. буоллулар.
200 тахса олоҥхоһут Саха героическай эпоһын толоруу өрөспүүбүлүкэтээҕи куонкуруһугар кытынна. Таатта улууһуттан Алексей Николаев гран-при хаһаайынынан буолла уонна 700 тыһ. солк. сэртипикээти тутта. Ыччат ортотугар Мэҥэ Хаҥалас оройуонуттан Марфа Федорова кыайыылааҕынан буолла, киниэхэ 300 тыһыынча солк. сэртипикээти бэлэхтээтилэр.
Ыһыах кэмигэр “Өбүгэлэр нэһилиэстибэлэрэ” ат симэҕин эрэгийиэннэр икки ардыларынааҕы V бэстибээллэрэ ыытылынна. Манна Саха сириттэн, Тываттан уонна Алтайтан 15 айар кэлэктиип кытынна. Гран-при лауреатынан Уус Алдан улууһун хамаандата ааттанна уонн 100 тыһыынча солк. сэртипикээти тутта. Норуот маастардара Мария Петрова, Харитина Гоголева, Прокопий Колодезников уонна Екатерина Бочкарева эр киһи аты миинэригэр кэтэр таҥаһын-сабын толору кэмпилиэгин бэстибээлгэ анаан бэлэмнээбиттэр.
Оһуохайга 88 киһи суруйтарбыт. Кинилэр ийэ дойдуга тапталы хоһуйбуттар. Бүлүү оройуонуттан Каролина Харлампьева кыайан, 100 тыһ. солк. сэртипикээти ылла.
“Эр бэрдэ” күрэхтэһиигэ 12 спортсмен кытынна. Кинилэр биэс көрүҥҥэ күрэхтэстилэр. Абсолютнай кыайыылааҕынан Владимир Михайлов (Таатта) ааттанна. Иккис – Владимир Федоров (Ньурба), үһүс – Михаил Гоголев (Өймөкөөн).
Ат сүүрүүтүгэр 11 хамаанда уонна 24 сылгы кытынна. Бириис уопсай кээмэйэ – 1,66 мөл солк. Абсолютнай кыайыылаах 500 тыһыынча солкуобайы ылла. Бары түһүмэхтэргэ – 3200, 2400 уонна 1600 миэтэрэҕэ сүүрдүүгэ, ону тэҥэ абсолютнайга бастыыр иһин күрэхтэһиигэ бастакы миэстэни Семен Винокуров бааһынай-пиэрмэр хаһайыстыбатын сүүрүк аттара ыллылар. Хаһаайыстыба баһылыга Семен Винокуров – биллэр сылыһыт Дугуйдан Винокуров аҕата.
1600 миэтэрэҕэ бастакынан Дугуйдан балта, Эрэл атынан 15 саастаах Самаана Винокурова көтүтэн кэллэ.
Эһиил XVII өрөспүүбүлүкэтээҕи Олоҥхо Ыһыаҕа Амма улууһугар ыытыллыаҕа.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
СИА түһэриитэ
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…