Олоҥхо ыһыаҕа: Чульман дьахталлара сахалыы ыллыыллар

Нерюнгри оройуонун Чульман бөһүөлэгин олохтоохторо Олоҥхо ыһыаҕар көхтөөх кыттыыны ыллылар.

«Костер на снегу» ансаамбыл чилиэннэрэ Юлия Панина уонна Виктория Прялкина ансаамбыл сахалыы ырыаны үөрэппитин кэпсээтилэр.

«Олоҥхо ыһыаҕа бэрт далааһыннаахтык бара турарын бэлиэтиибит. Төрөөбүт дойдубутугар бэртээхэй бырааһынньык буолла. Бэрт элбэх киһи кэлбит, саха норуотун култууратын кытта ыкса билсэн, Олоҥхо ыһыаҕын олус астынныбыт», — диэн бэлиэтээтилэр сэһэргэһээччилэрим.