Хаартыска: Диана Сивцева
Нерюнгри куоракка Олоҥхо Ыһыаҕар саха аһын флагмана, «Тыгын Дархан» эрэстэрээн өрөспүүбүлүкэ соҕуруу куоратыгар Саха сирин тыынын уонна историятын кэрэһилээн, үрдүк таһымнаах аһы, тыйаатыр ускуустубатын уонна төрүт олохтоохтор үгэстэрин көрдөрөөрү Саха сирин бастыҥ шеф-пуобардарын түмтэ.
«Гастро-киэһэ – бу киэһээҥҥи аһылык биир көрүҥэ, онно тэрээһин хас биирдии элэмиэнэ, астан саҕалаан муускунана доҕуһуолга тиийэ, ымпыктанан-чымпыктанан толкуйданар уонна биир уопсай тиэмэнэн ситимнэнэр», — диэн «Тыгын Дархан» эрэстэрээн шеф-пуобара Константин Матаннанов бэлиэтээтэ.
«Кини ыалдьыттарга аһаан эрэ баралларын курдук буолбакка, кулинария ускуустубатыгар умсугутабыт, оттон киэһээҥҥи аһылыкка испэктээккэ кубулуйар эйгэтигэр киллэрэбит», — диэтэ «Тыгын Дархан» эрэстэрээн бренд-шефэ Николай Атласов.
Саха аһа – өбүгэлэрбит ураты астыыр үгэстэрин уонна ырысыаптарын харыстыыр, култуурунай нэһилиэстибэбит арахсыспат баайа уонна норуоппут киэн туттуутун төрүөтүнэн буолар.
«Ырысыаптары кэлэр көлүөнэлэргэ харыстаан тиэрдии Саха сирин дьиҥнээх уратытын харыстыырга, көлүөнэлэр ситимнэрин бөҕөргөтөргө уонна Хотугу төрүт омуктар бэйэлэригэр эрэ уратыларын өйүүргэ кыах биэрэр», — диэн «Муус Хайа» ресторан шеф-пуобара Антон Евграфов иһитиннэрдэ.
Үгэс буолбут астары аан дойду кулинариятын аныгылыы киэбин кытта дьүөрэлээн, саҥа амтан дьүөрэлэһиитинэн уонна эстетическэй быһаарыыларынан байыталлар.
«Инновационнай сыһыаннар ас-үөл сыаналаах, иҥэмтэлээх уратылара харыстаналларыгар, киэҥ араҥаҕа туһата үрдүүрүгэр уонна тиийимтиэ буоларыгар көмөлөһөллөр. Тоҥ балык, үрүҥ үүт ас курдук ураты астар уонна деликатестар Саха өрөспүүбүлүкэтин визитнэй карточката буолан, кини элбэх өрүттээҕин уонна айылҕатын баайын көрдөрөллөр», — диэн «Азимут» ресторан шеф-пуобара Денис Бурцев түмүктээтэ.
Саха аһын сайыннарыы уонна киэҥник тарҕатыы норуот бэйэтин билиниитин бөҕөргөтүүгэ, ыалдьытымсах буолуу үгэстэрин өйөөһүҥҥэ, төрөөбүт дойду историятыгар ытыктабылы иитэргэ көмөлөһөр, эрэгийиэн култуурата уонна экэниэмикэтэ салгыы сайдарыгар-үүнэригэр усулуобуйаны тэрийэр.
Диана Сивцева
Мэҥэ Хаҥалас оройуонун полицията уопсайа 13 мөл. солк. суумалаах кыһыл көмүһү тиэйэн испит тэрилтэ дириэктэрин…
“Өбүгэ ситимэ” норуот эмчиттэрин түмсүүтүгэр айылҕаттан айдарыылаах араас дьон баар. “Өбүгэ ситимэ” норуот эмчиттэрин түмсүүтүн…
Быйыл балаҕан ыйыгар аан маҥнай аһыллар, өрөспүүбүлүкэ биир элбэх үөрэнээччилээх, М.Е.Николаев аатын сүгэр Дьокуускай куорат…
Сибиирдээҕи федеральнай уокурук эрэгийиэннэригэр күүстээх сөҥүү түһүөҕэ, оттон Саха сиригэр хаһыҥ түһэрэ күүтүллэр. Бу туһунан…
Бу күннэргэ Мэҥэ Хаҥалас улууһун Ходоро нэһилиэгин Чүүйэ Эбэ алааһыгар "Ходуһа хоһууттара-2025" илии хотуурунан оту…
Бүлүү оройуоннааҕы суута улуус 20 саастаах олохтооҕо ааптар быраабын сокуону кэһэн туран туһаммытын иһин кинини…