Олоҥхо ыһыаҕа — үс хонукка арыгы атыыта хааччахтанар

От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа быстах кэмҥэ бобуу олохтонор. Уураахха куорат баһылыга илии баттаата.

Арыгыны, ол иһигэр пиибэни уонна испиирдээх утахтары атыылааһыҥҥа толору бобуу олохтонор. Бобуу уопсастыбаннай аһылык тэрилтэлэригэр (эрэстэрээннэргэ, кафеларга) эрэ сыһыана суох, ол эрээри тутан тахсалларыгар атыылыыллара бобуллар.

Сокуону кэһии иһин эппиэтинэс көрүллэр: дуоһунастаах дьон 20-тэн 40 тыһыынчаҕа диэри солкуобайга ыстарааптаныахтара, оттон юридическай сирэйдэр – 100-тэн 300 тыһыынчаҕа диэри.