Хаартыска: А.Сорокин (ЯСИА)
Өрөспүүбүлүкэтээҕи Олоҥхо ыһыаҕын сүрүн түгэннэриттэн биирдэстэринэн «Батыйа — эр хоһуун санаа уонна үрдүк таһым бэлиэтэ» батыйаны оҥорооччулар өрөспүүбүлүкэтээҕи куонкурустара буолла.
Тэрээһиҥҥэ сылдьыбыт Ил Дархан Айсен Николаевка өрөспүүбүлүкэ бастыҥ уустара тимиртэн оҥоһуллубут, уруудаттан уһаарыллыбыт батыйаларын көрдөрдүлэр.
«Биһиги маастардарбыт -– түҥ былыргы үгэстэри чахчы илдьэ сылдьар дьон. Кинилэр баар буоланнар, саҥа көлүөнэҕэ бэриллэр уус ускуустубата баар. Чуолаан, маннык оҥоһуктарга биһиги норуоппут култуурата, устуоруйата уонна олоҕу көрүүтэ көстөр», -– диэтэ Айсен Николаев.
Куонкуруска өрөспүүбүлүкэ араас улууһуттан 7 маастар кытынна. Ууустар бэйэлэрин батыйаларын маһы кэрдиигэ, боолдьоҕу уонна кумааҕыны быһыыга көрдөрдүлэр.
Дьүүллүүр сүбэҕэ «Дархан Уус» бэлиэ туһааннаҕа, СӨ норуодунай маастара Василий Попов-Бааха Уус, Арассыыйа уонна СӨ норуодунай маастара, СӨ Уустарын сойууһун бэрэссэдээтэлэ Роман Готовцев-Мындыр Уус, СӨ норуодунай маастара, СӨ Уустарын сойууһун ситэриилээх дириэктэрэ Александр Терентьев-Айгын Уус үлэлээтилэр.
Куонкурус түмүгүнэн бастакы миэстэни Амма улууһуттан Александр Карамзин ылла. Кини батыйатын бары канону тутуһан оҥордо, батыйатын биитэ көрүҥүнэн уонна хаачыстыбатынан бастыҥынан ааҕылынна.
СӨ Ил Дарханын уонна бырабыыталыстыбатын пресс-сулууспата
Сэтинньи ый сэтэриир тумарагын сэгэйэ тэлэн, Туймаада олохтоохторо эдэрдиин-эмэнниин Өксөкүлээх Өлөксөй аатынан Норуоттар доҕордоһууларын дьиэтин…
Уус Алдан хомус уустара уутуйан үөскээбит улууһунан биллэр. Суон сураҕырбыт талааннаах маастардары күн бүгүн хомус…
Сунтаар улууһун. Тойбохой нэһилиэгэр Трофим Корнилов аатынан СаДуоБа (саахымат, дуобат, баарыс) көрүҥҥэ улуус аһаҕас күрэҕэ…
Соторутааҕыта Кэбээйи улууһугар «Муҥха олоҥхото-2025» эдэр олоҥхоһуттар өрөспүүбүлүкэтээҕи бэстибээллэрэ киэҥ далааһыннаахтык ыытыллыбыта. 10 улуустан 20-чэ…
Дьокуускайга Олимпийскай чөмпүйүөн, аан дойду чөмпүйүөнэ, успуорт үтүөлээх маастара Владимир Семенович Мышкин кэллэ. Аатырбыт голкипер…
Интэриниэт – муҥура суох байҕал. Онтон тугу баҕарар булуохха сөп. Этэргэ дылы, үчүгэйи да, куһаҕаны…