Хаартыскаҕа Александр Тарасов түһэриилэрэ
Бүгүн, сэтинньи 14 күнүгэр, Кэбээйигэ СӨ Бырабыыталыстыбатын бэрэссэдээтэлин солбуйааччы Сергей Местников салалтатынан Олоҥхо ыһыаҕын тэрийии боппуруостарыгар мунньах буолла.
Тэрээһиҥҥэ Ил Түмэн бэрэссэдээтэлин бастакы солбуйааччы Александр Жирков, СӨ Култуураҕа, духуобунаска сайдыыга миниистирэ Афанасий Ноев, Кэбээйи улууһун баһылыга Иван Левин, «Уран» дизайн-устуудьуйа дириэктэрэ Вячеслав Яроев кыттыыны ыллыллар.
Мунньаҕы тэрийэр кэмитиэт салайааччыта СӨ Бырабыыталыстыбатын бэрэссэдээтэлин солбуйааччы Сергей Местников үүннээн-тэһииннээн ыытта. Бэлэмнэнии үлэтин туһунан сүрүн иһитиннэриини СӨ Култуураҕа, духуобунаска сайдыыга миниистирэ Афанасий Ноев оҥордо. Кини чуолаан Олоҥхо ыһыаҕын тэрийии Ил Дархан дьаһалынан ыытылларын, 35 киһилээх тэрийэр кэмитиэт тэриллибитин, быйыл үс тустаах мунньах ыытыллыбытын, ол түмүгүнэн боротокуоллар оҥоһуллан, бэлэмнэнии үлэтэ саҕаламмытын туһунан иһитиннэрдэ. Ону тэҥэ, Олоҥхо ыһыаҕын сүрүн эбийиэктэрин тутууга төһүү күүһүнэн буолуохтаах пуондалар тэриллибиттэрин, эһиил ыһыаҕы тэрийиигэ идиэйэни саҕарга, ыһыах сүрүн тосхолун быһаарарга аналлаах научнай-кэмпириэнсийэ эһиил олунньуга ыытыллара былааннаныллыбыт эттэ. Сүрүн дакылаат кэнниттэн СӨ Бырабыыталыстыбатын бэрэссэдээтэлин солбуйааччы Сергей Местников кэккэ ыйыылары, этиилэри эттэ.
Санатар буоллахха, Олоҥхо ыһыаҕын туруорааччы режиссерунан Руслан Тараховскай буолар. Салгыы Олоҥхо ыһыаҕын тэрийиигэ сүрүн хамыыһыйалар чуолаан эбийиэги тутуу, аһынан-үөлүнэн хааччыйыыга, айан-сырыы боппуруоһун, дэлэгээссийэлэри түһэриигэ эппиэттээх хамыыһыйалар туох-ханнык үлэлэр ыытыллан эрэллэрин уонна этиилэрин иһитиннэрдилэр.
Сергей Местников мунньаҕы түмүктүүрүгэр, Кэбээйи улууһун олохтоохторо Олоҥхо ыһыаҕын тэрийиигэ бары кытталларыгар сүбэлээтэ-амалаата, оччоҕо эрэ ыһыах ураты тыыннаныа, үрдүк таһымнаахтык барыа диэн эттэ. Бэлэмнэнии үлэтэ кыраапык быһыытынан этэҥҥэ баран эрэрин иһитиннэрдэ.
Ааспыт нэдиэлэ устата психологтар өрөспүүбүлүкэҕэ, ону тэҥэ Ростов-на-Дону куорат госпиталларыгар 260-тан тахса байыаннай дьайыы кыттыылаахтарыгар…
Сыл саҕаланыаҕыттан Оҕолор уонна эрдэҕэс оҕолор репродуктивнай доруобуйаларын харыстыыр киин 3000-тан тахса оҕону көрдө-иһиттэ диэн…
Өрөспүүбүлүкэ олохтоохторо байыаннай дьайыы кэмигэр РФ интэриэстэрин көмүскүүллэрин уонна РФ Сэбилэниилээх күүстэрин састаабыгар ситиһиилээхтик байыаннай…
Үөрэх хаачыстыбатын сыаналааһын систиэмэтин сайыннарыы чэрчитинэн, Саха сиригэр аан маҥнайгытын төрөөбүт тылларга өрөспүүбүлүкэтээҕи бэрэбиэркэлиир үлэ…
Саха сирин мобильнай быраастара дьахтар куртаҕыттан булавканы буллулар. Дьахтар иһэ күүскэ ыалдьан, Муоматааҕы киин оройуон…
Полиция үлэһиттэрэ 19 саастаах устудьуоннары киилэ кэриҥэ гашиһы атыылыы сатаабыттарыгар туттулар. ИДьМ пресс-сулууспата иһитиннэрэринэн, Дьокуускай…