Хаартыска: ааптар.
Бу күннэргэ Өймөкөөн улууһугар Олоҥхо ыһыаҕар бэлэмнэнии тэтимнээхтик барар.
Улуустааҕы Олоҥхо ыһыаҕын тэрийэр дириэксийэ салайааччыта Николай Обоюков киин куоракка кэлэн, өрөспүүбүлүкэтээҕи тэрийэр кэмитиэт чилиэннэригэр, министиэристибэлэргэ уонна биэдимистибэлэргэ сылдьан, тирээн турар кэккэ боппуруоһу дьүүллэстэ.
— СӨ тырааныспарын миниистирэ Владимир Сивцевы кытта айан суолларын өрөмүөнүн туһунан кэпсэттибит.
Ол иһигэр Уус-Ньаранан сөмөлүөттэр көтөр түгэннэригэр Томторго диэри дьону тиэйии-таһыы боппуруоһун эмиэ көрдүбүт. Томторго сөмөлүөт түһэр вариана эмиэ таарылынна. Маны таһынан, пассажир ахсаана элбиир түгэнигэр эбии паромнар үлэлэрин былааннаатыбыт.
Тутуу миниистирэ Павел Кылатчановы кытта “Көмүс күрүөҕэ” уонна ипподромҥа мустар массыына парковкаларын уонна бабаарына тутуутун кэпсэттибит. Манна бүддьүөттэн эбии харчы көрүллүөҕэ.
Биллэн турар, Олоҥхо ыһыаҕар тыһыынчанан массыына айаннаан кэлиэҕэ. Ол тиэхиньикэни барытын уматыгынан хааччыйыы боппуруоһа — сүрүн сорук. Дьон олоҕор куттал суох буолуутун хааччыйар кэмитиэт салайааччытын солбуйааччы Никита Павловы кытта уматыгы тиэйиини быһаарыстыбыт. Кэпсэтии түмүгүнэн, суол тохтобулларыгар көһө сылдьар ыстаансыйалар туруохтара.
Предпринимательство, эргиэн уонна туризм сайдыытын миниистирин солбуйааччы Максим Прокопьевы кытта ыалдьыттары аһатыы боппуруоһугар салгыы кэпсэттибит.
Соторутааҕыта Томторго бырабыыталыстыба хамыыһыйата тиийэ сылдьыытыгар кэккэ боппуруостары быһаарар сорук турбута. Бу кэпсэтиигэ олоҕуран, “Киви кейтеринг” хампаанньа кэлэр нэдиэлэҕэ Томторго ас астааһынын боппуруоһугар миэстэтигэр тиийэн үлэлэһиэҕэ. Бу министиэристибэттэн эппиэттээх исписэлиис барсан, туһааннаах боппуруостары тута быһаарсыаҕа, — диэн ыһыах дириэксийэтин салайааччыта Николай Обоюков бу нэдиэлэ устата киин куоракка командировкаҕа кэлэ сылдьан ыыппыт үлэтин билиһиннэрдэ.
Үөһээ Бүлүү улууһун Баҕадьа сэлиэнньэтигэр оскуола-саад үлэҕэ киирдэ. Бүгүн өрөспүүбүлүкэ үрдүнэн тоҕус социальнай эбийиэк аһылынна.…
Үрдүк үөрэхтэргэ уонна кэллиэстэргэ Биир кэлим эксээмэни туттарбакка үөрэххэ киирии туһунан сокуон барылын дьокутааттар бөлөхтөрө…
Амма улууһун Михайловка сэлиэнньэтигэр Норуот айымньытын дьиэтэ үөрүүлээх быһыыга-майгыга аһылынна. Бүгүн өрөспүүбүлүкэ үрдүнэн тоҕус социальнай…
Ленскэй оройуонунааҕы ИДьМ дьуһуурунай чааһыгар маркетплейс бэрэстэбиитэлиттэн сайабылыанньа киирбит. Инвентаризация кэмигэр табаары биэрэр пуунтан 300…
Оҕуруоту, сибэккини олордууга сүбэлэр Сүрүннээн тохсунньуттан үүнээйини олордуу саҕаланар. Арктикатааҕы судаарыстыбаннай агротехнологическай университет ойуур комплексыгар…
Дьокуускайдааҕы ИДьМ салаатыгар дьахтар балыыһаҕа сылдьан тас таҥаһын уордарбытын туһунан иһитиннэрбит. Бу туһунан СӨ ИДьМ…