Хаартыска: Ил Дархан, бырабыыталыстыба дьаһалтатын пресс-сулууспата
Өймөкөөн улууһугар Олоҥхо Ыһыаҕар бэлэмнэнии туһунан Сергей Местников салайыытынан бырабыыталыстыба мунньаҕа буолла. Бүгүҥҥү туругунан, быйылгы Олоҥхо Ыһыаҕар бэлэмнэнии бытааннык барар, эбийиэктэри тутуу болдьоҕор ситиһиллибэт куттала үөскээтэ диэн бэлиэтэннэ.
— Бүддьүөттэн үбүлээһин 2022, 2023 сылларга толору барбыта. Бүгүҥҥү туругунан, улуус өттүттэн туруоруллубут соруктары толорботулар. Ыһыах саҕаланара икки аҥаар ый эрэ хаалла. Онон бэлэмнэнии үлэтин икки-үс төгүл түргэтэттиэххэ эрэ, ситиһиллэр буолла. Маннык улахан таһымнаах тэрээһиҥҥэ улуус баһылыга уонна дьаһалтата тус эппиэтинэһи сүгэллэр. Муниципальнай хантараактары түһэрсэргэ хонтуруолу күүһүрдүөххэ наада, — диэн бырабыыталыстыба бэрэссэдээтэлин солбуйааччы эттэ.
Эбийиэктэри тутууга дьаһалта муниципальнай хантараактары түһэрсибит эрээри, үлэ саҕалана илик. Матырыйааллар кулун тутар 31 күнүгэр диэри тиэллэн бүтүөхтээхтэр эбит да, болдьохтон хаалыы баар.
Түөрт эбийиэккэ, ол иһигэр саамай улахан – 512 миэстэлээх ипподрому тутууга хантараак түһэрсиллэ да илик.
Хапытаалынай өрөмүөҥҥэ үп былырыын көрүллүбүтэ. Оҕо саада уонна кыраайы үөрэтэр мусуой өрөмүөннэммиттэр. Оттон спортивнай оскуолаҕа өрөмүөн ыытылла илик.
Сергей Местников тутуу министиэристибэтин өттүттэн хонтуруол суоҕун ыйда. Өймөкөөҥҥө Олоҥхо Ыһыаҕа ыытылларын туһунан быһаарыы 2020 сыллаахха ылыллыбыта.
Мунньахха култуурунай бырагыраама, тырааныспар, ыалдьыттары түһэрии, аһатыы, быраабы көрүү, сибээс, о.д.а. боппуруостары көрдүлэр. Манна эмиэ министиэристибэлэр өттүлэриттэн ситэ үлэ барбатаҕа билиннэ. Биир нэдиэлэ иһинэн былааны оҥорорго сорудахтанна. Сотору кэминэн Томторго анал үлэлиир бөлөхтөр барыахтара.
Эбийиэктэри тутуу уонна өрөмүөннээһин болдьоҕор бүтүөхтээх.
XVI өрөспүүбүлүкэтээҕи Олоҥхо Ыһыаҕа от ыйын 1-2 күннэригэр Өймөкөөн улууһун Томтор сэлиэнньэтигэр «Көмүс күрүө» этнокультурнай комплекска буолуохтаах.
Өлөөн улууһун табаһыттарыгар ыарахан соҕус сыл ааста. Ол курдук, саас саркоптоз ыарыы кыыл табаттан сыстан,…
Өрөспүүбүлүкэҕэ суукка иһигэр 7 буруйу оҥоруу тахсыбыта бэлиэтэннэ. Бу туһунан СӨ Борокуратуурата иһитиннэрэр. Өлүөхүмэ улууһун…
Илиҥҥи гороскуобунан, тохсунньу 26 күнүттэн Ат сыла саҕаланар. Дьөһөгөй оҕотун сыла саха дьонугар үтүө эрэ…
Саха сиригэр 2025 сылга 41 социальнай эбийиэк, ол иһигэр 15 үөрэхтээһин, 6 физкултуура уонна успуорт,…
«ВОИН» киин Саха сиринээҕи филиалын уон иитиллээччитэ үөрэххэ үрдүк ситиһиилэрин иһин «курсант-гвардеец» диэн үрдүкү ураты…
ЫБММ управлениетыгар икки этээстээх чааһынай олорор дьиэҕэ баһаар тахсыбытын туһунан иһитиннэрии киирбит. Аадырыһа: Сунтаар улууһа,…