Хаартыска: Андрей Сорокин, СИА.
Олоҥхо Ыһыаҕар Ил Дархан Айсен Николаев “Эр бэрдэ” национальнай элбэх көрүҥ күрэхтэһиитигэр сырытта. Манна өрөспүүбүлүкэ араас улууһуттан 15 киһи кытынна.
Маннык күрэхтэһиилэр сыллата ыытыллаллар. Былырын Өймөкөөҥҥө буолбут ыһыахха Таатта эр бэрдэ Владимир Михайлов кыайбыта, быйыл кини эмиэ киирсэ сылдьар.
“Бу күрэхтэһиилэр уратыларынан манна күүс-уох көрүҥнэрэ өрө тутуллаллар. Өскөтө Дыгын оонньууларыгар сүүрүү, ыстаныы баар эбит буоллаҕына, манна оннук суох. “Эр Бэрдэ” күрэххэ сыарҕаны соһуу, тааһы көтөҕүү, таһаҕас сүгэн баран сүүрүү киирэллэр”, — диэн кэпсииллэр тэрийээччилэр.
“Эр Бэрдэ” күрэх бирииһин уопсай пуондата 700 тыһ. солк. Кыайыылаах 400 тыһ. солк. ылар, иккис миэстэлээх – 200 тыһ. солк., үһүс – 100 тыһ. солк.
Аммаҕа буола турар Олоҥхо ыһыаҕар успуорт 9 көрүҥэр 300-тэн тахса спортсмен кытта сылдьар. Бырагыраамаҕа атынан сүүрдэн иһэн оҕунан ытыы, “Төрүт тустуу”, “Хоро Бэргэн” сүүрүү бааллар. Дьахталларга, эр дьоҥҥо “Бөҕө Тоҥус” сахалыы ыстаныыларга, хапсаҕайга, ааттаах-суоллаах Оокко Бухатыыр кэриэһигэр мас тардыһыытыгар абсолютнай первенстволар ыытылыннылар.
Мас тардыһыытыгар 75 киилэгэ диэри кыайыылаах 150 тыһ. солк. ылла, чөмпүйүөн (75 киилэттэн үөһэ) 50 тыһ. солк. наҕараадаланна итиэннэ Платон Прокопьев — Оокко Бухатыыр аймахтарын анал бириистэрин тутта. Бэтэрээн эр дьоҥҥо, дьахталларга кыайыылаахтар 50-нуу тыһ. солк. наҕараадаланнылар.
Олоҥхо Ыһыаҕар “Далла мэндэйии” диэн ыраахха уонна сыалы табыыга оҕунан ытыы буолла. Хаамыскаҕа уонна былыргылыы хабылыкка остуол оонньууларын күрэҕэ ыытылынна диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…
Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…
Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…
Дьокуускай куорат "Арчы" духуобунай киинин үлэһитэ, алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…