Хаартыска: Үүнэр көлүөнэ тыйаатырын пресс-сулууспата
От ыйын 1 күнүгэр, быйыл 16-с төгүлүн ыытыллар өрөспүүбүлүкэтээҕи Олоҥхо ыһыаҕар Үүнэр көлүөнэ тыйаатыра «Мэндэ Бухатыыр» олоҥхону көрдөрдө. Айымньы ааптара — биллиилээх оҕо суруйааччыта Евдокия Иринцеева-Огдо. Испэктээкил туруорааччы режиссера — СӨ үтүөлээх артыыската Валентина Якимец, туруорааччы худуоһунньук — СӨ култууратын туйгуна Мария Иванова.
«Мэндэ Бухатыыр» испэктээкили Олоҥхо ыһыаҕар оҕолорго аналлаах түһүлгэҕэ көрдөрдүлэр. Дьон-сэргэ саҥа туруорууну дуоһуйа көрдө-иһиттэ. Манна артыыстар талааннарын араас өттүттэн арыйан, чаҕылыта оонньоттулар. Ол курдук, саха уонна эбээн омук төрүт үҥкүүлэрин үҥкүүлээтилэр, олоҥхо кылыһахтаах ырыатын-тойугун туойдулар. Маны сэргэ, бииртэн биир киһи эрэ кэрэхсиир бэртээхэй көстүүмнэринэн күлүмүрдээтилэр.
Онон, түмүккэ көрөөччүлэр бука бары ытыстарын хабыллар тыастарын бэлэхтээн, көрдөрүүнү сэргээбиттэрин уонна сөбүлээбиттэрин биллэрдилэр.
Санатар буоллахха, XVI-c өрөспүүбүлүкэтээҕи Олоҥхо ыһыаҕа өйүмүлээх Өймөкөөн улууһун Томтор нэһилиэгэр «Көмүс күрүө» комплекска от ыйын 1-2 күннэригэр буола турар.
Түгэнинэн туһанан, Үүнэр көлүөнэ тыйаатыра «Мэндэ Бухатыыр» оҕо олоҥхотун ааптарын Евдокия Иринцееваны-Огдону норуот суруйааччыта Н.Е. Мординов-Амма Аччыгыйын аатынан литэрэтиирнэй бириэмийэни ылбытынан эҕэрдэлиир.
Бүгүн, ахсынньы 15 күнүгэр, Дьокуускайга 36 кв.м. иэннээх кыбартыыраҕа баһаар буолла. Өлбүттэр суохтар, биэс киһи…
Оҕо эрдэххэ дьаабылыка сыта, мандарин амтана наһаа да минньигэс уонна ураты буолара. Саҥа дьыл үөрүүтүн,…
Сыл – хонук. Номнуо үйэ чиэппэрэ ааһа охсубут. Оттон киэн туттан бүгүн кэпсээри оҥостор киһибит …
Горнай улууһун Одуну нэһилиэгэр айрширскай боруодалаах ынах бастакы ньирэйин төрөппүтүн туһунан "Үлэ күүһэ" хаһыат телеграм-ханаала…
"Сахафильм" киинэ хампаанньата уонна СӨ Национальнай бибилэтиэкэ 10 сахалыы киинэни босхо көрдөрөллөр. "Киинэни ааҕабыт!" аахсыйа…
Саха киинэтэ 1990 сылтан силис-мутук тардар. Бу сыл “Северфильм” киинэ устуудьуйата тэриллибитэ, ол 1992 сыллаахха…