Олоҥхо ыһыаҕын аһыллыытын быһа эпииргэ көрдөрүөхтэрэ

От ыйын 4-5 күннэригэр Нерюнгри оройуонугар аан бастаан өрөспүүбүлүкэтээҕи Олоҥхо Ыһыаҕа ыытыллар. 

Бүгүн, от ыйын 3 күнүгэр, 9:00 ч. Юрий Коковин «Таежная жемчужина» диэн хаартысканан быыстапката Этнокомплекса арыллар.

11:00 ч. Олоҥхо ыһыаҕын ахсын хайаан да көрдөрүллэр тимири уһаарыы саҕаланыахтаах.

А.С.Пушкин аатынан култуура уонна духуобунас киинигэр худуоһунньук Дария Дмитриева «Нерюнгри. Истоки вдохновения» персональнай быыстапкатыгар ыалдьыттары күүтэллэр.  И.И.Пьянков аатынан Нерюнгри түмэлигэр от ыйын 3-6 күннэригэр Ем.Ярославскай түмэлин «Культ коня и лошади у народа Саха» быыстапката буолуоҕа.

Куукула тыйаатырыгар 17.00 ч. А.И. Софронов «Человек» айымньытынан испэктээги көрдөрүөхтэрэ.

Этнокомплекска киэһээ түһүлгэ үөрүүлээх быһыыга-майгыга аһыллыа. Манна олоҥхоһуттар, уустар, маастардар, хотугу төрүт олохтоох норуоттар, оһуохай, фольклор былаһааккалара бааллар.

Ыһыах үөрүүлээх аһыллыыта от ыйын 4 күнүгэр 11 чаастан буолар. Үөрүүлээх аһыллыыны «Саха» НКИХ ханаалынан быһа эпииргэ көрдөрүөхтэрэ.

Ыһыах бырагырааматын манна көрүҥ:

Программа Ысыах Олонхо 2025