Олоҥхо ыһыаҕын эбийиэктэрэ бу күннэргэ электричество уотугар холбонуохтара

Бу күннэргэ «Сахаэнерго» АУо энергетиктэрэ Өймөкөөн улууһугар Олоҥхо Ыһыаҕын эбийиэктэригэр электричество уотугар холбоон эрэллэр. 

«Сахаэнерго» АУо пресс-сулууспата иһитиннэрбитинэн, улахан үлэ 4 кэмбилиэк 760 кВА кыамталаах трансформатор ыстаансыйатын туруорууга барда. Энергетиктэр сэттэ «промежуточнай» дэнэр уонна биир  анкернай тирэҕи туруордулар. 400 м СИП проводын таҥнылар.

«Бу күннэргэ биһиги үлэһиттэрбит Олоҥхо ыһыаҕын эбийиэктэрин уокка холбуур үлэни түмүктээн эрэллэр», — диэн бэлиэтээн эттэ «Сахаэнерго» АУо генеральнай дириэктэрэ Гаврил Алексеев.