Хаартыска -- Виктор Смирников тиксэриитэ.
Бу күннэргэ Амма улууһугар ыытыллар 17-с Олоҥхо ыһыаҕар бэлэмнэнии күүстээхтик ыытыллар.
Биллэн турар, сүрүн болҕомто регламент быһыытынан ыытыллар 19 эбийиэккэ ууруллар.
— Олоҥхо ыһыаҕын тутууларын ирдэбилинэн, үгэс быһыытынан сыл аайы тэриллэр хомус, ырыа-тойук, дэгэрэҥ ырыа күрэстэрин ыытарга аналлаах «Дорҕоон түһүлгэтэ» тутулла турар. Маны таһынан, быйыл дойдубутугар уонна өрөспүүлүкэбитигэр Дьиэ кэргэн уонна Оҕо сыллара биллэриллэн, биир уратыбытынан талааннаах оҕолор кыахтарын арыйар «Оҕо түһүлгэтэ» эбийиэк олохтоохтук тутулла турар. Оҕо олоҥхолуур балаҕана номнуо бэлэм.
2019 с. Аммаҕа ыытыллыбыт Саха сирин норуоттарын спортивнай Оонньууларын талисманнара: Амма өрүспүтүн – нарын-намчы Кыыс Амманы сирэйдиир Таммах, буспут саһарҕай Бурдук, уот кыһыл Сардаана сибэкки, тэтэркэй Дьэдьэн, итиэннэ, былырыын ыытыллыбыт 14-с Адаптивнай успуорт көрүҥнэригэр Спартакиада талисманынан буолбут – эр санааны, дьулууру, олох бары мэһэйдэрин туоруур «Дьулуур» диэн ааттаммыт улууспут ааттаах-суоллаах хайаларын сирэйдиир сымара Таас Хайа түһүлгэни киэргэтиэхтэрэ. Ол эрэ буолбакка, бу талисманнарбыт куукула быһыытынан туралларын ааһан, көрү-нары тэрийээччилэр бу символлар көстүүмнэринэн сахалыы таҥнан оҕолорбутун аралдьытыахтара. Кинилэргэ анаан сахалыы таҥаһы тигэбит.
Муона чараҥар турар пааркабытын күрүөтүн-хаһаатын уларытыахпыт.
Быйыл улууспут социальнай-экэнэмиичэскэй сайдыытыгар туһуламмыт «Сардаана» диэн үбүлээһин анал пуондатын арыйбыппыт. Ол онно Амма улууһун меценаттара, тэрилтэлэрэ, уопсастыбаннай түмсүүлэрэ, биирдиилээн патриот дьоммут харчынан көмөлөрө түмүллэр. Пуонда үбүнэн тутуу матырйаалын атыылаһан, ыалдьыттар туттар ас астыыр, атыылыыр хорчуоппалары, душ, туалет, быһата, дьон сынньанар усулуобуйатын тэрийэргэ туттуохпут.
Түһүлгэҕэ киириигэ үс аартыктаахпыт. Онтон биирэ бүддьүөккэ көрүллүбэтэх эбийиэк.
Оҕолоох дьону, мааны национальнай көстүүмнээх, таҥастаах ыалдьыттары буорунан хаамтарбат инниттэн, саҥа маһынан далаһалары оҥоро сылдьабыт, — диэн Амма улууһун баһылыгын тутуу уонна инфраструктура боппуруостарыгар солбуйааччы Виктор Смирников кэпсээтэ.
Ити курдук, Олоҥхо ыһыаҕа ыытыллар кэрэ айылҕалаах Муона чараҥын пааркатыгар тутуу үлэтэ күөстүү оргуйар.
Таалай күөл кытылыгар, муостатыгар ыы-быччары киһи муһунна. Бары цииркэ артыыһа канаатынан хаамарын долгуйа кэтэһэллэр. Бастаан…
Саха Өрөспүүбүлүкэтин муниципальнай тэриллиилэрин сиригэр уопсай үөрэх тэрилтэлэригэр 1-тан 11 кылааска диэри үөрэнэр элбэх оҕолоох…
Арассыыйаны Чуумпу акыйааҥҥа таһаарыахтаах тимир суол тутуута 1974 сыллаахха саҕаламмыта. Байкал - Амур магистралын уһуна…
Үлэ уонна социальнай сайдыы министиэристибэтэ иһитиннэрбитинэн, өрөспүүбүлүкэҕэ Дьиэ кэргэн, ону тэҥэ Оҕо саас сылын алта…
Өрөспүүбүлүкэ киин куоратыгар Эллэй Боотур муус дыбарыаһыгар "Азия оҕолоро" VIII оонньуулар чэрчитинэн кураш тустуу бастакы…
50 сыл анараа өттүгэр Бүтүн Сойуустааҕы ыччат хамсааһына - БАМ тутуута саҕаламмыта. От ыйын 4…