Хаартыска: "Амма олоҕо" хаһыат
Аммаҕа XVII Олоҥхо ыһыаҕа ыытыллара 6 хонук хаалла.
Ыһыахха барыта 15 тыһ. тахса киһи кыттара күүтүллэр. Сүрүн тэрээһиннэри тэрийиигэ уонна ыытыыга 3,5 тыһ. тахса киһи үлэлэстэ. Куонкурус уонна успуорт күрэхтэһиилэригэр 2 тыһ. тахса киһи улуустарынан уонна куорат уокуруктарыттан кыттара күүтүллэр.
Санатан эттэххэ, Ил Дархан Айсен Николаев сорудаҕынан Аммаҕа XVII Олоҥхо ыһыаҕа бу сыл бэс ыйын 20-21 күннэригэр ыытыллыаҕа.
Сүрүн тэрээһиннэр Муона чараҥа сиригэр Иннокентия Швердин аатынан ландшафтнай-этнографическай комплекс култуура уонна сынньалаҥ пааркатыгар ыытыллыахтара. Бырааһынньык ыытыллар кэмигэр «Дьокуускай – Аллараа Бэстээх» маршрутунан барыта 15 паром үлэлиэҕэ. Амма иһинэн ыһыах ыытыллар сиригэр диэри оптуобус сырыыта тэриллиэҕэ. Ыһыахтыыр сир туспа былаһааккатыгар аһылык, сынньалаҥ зоналара, 3 тыһ. тахса киһи түһэр аныгы балаакка куората тэрийиллэр. Ыһыах тэрээһинин кыттыылаахтарын аһатар уонна сытар миэстэлэринэн социальнай эбийиэктэр буолуохтара. Ыалдьыттары хоннорорго Амма, Чыпчылҕан, Бөтүҥ сэлиэнньэлэригэр чааһынай дьиэлэр бэриллиэхтэрэ.
Олоҥхо ыһыаҕын кэмигэр үгэс буолбут тэрээһиннэр ыытыллыахтара. Ол курдук, бэс ыйын 19-20 күннэригэр күнү көрсүү сиэрэ-туома буолуоҕа. Бэс ыйын 19 күнүгэр киэһэ уустар түмсэн, тимир уһаарыахтара.
Успуорт национальнай көрүҥнэригэр күрэхтэһиилэр туспа былаһааккаҕа ыытыллыахтара. Чаҕылхай күрэхтэһиинэн «Эр Бэрдэ» национальнай многоборьеҕа киирсии буолуоҕа. Ипподромҥа ат сүүрдүүтэ сэттэ дистанцияҕа ыытыллыаҕа. Бэс ыйын 20 күнүгэр оҕунан ытыы күрэхтэһии буолуоҕа.
Саха сиригэр Олоҥхо ыһыаҕа 2006 сылтан араас улуустарынан ыытыллар. 2025 сылга Олоҥхо ыһыаҕа Нерюнгри улууһугар буолуоҕа.
Олоҥхо ыһыаҕын бырагырааматын кытта сиһилии манна билсиэххитин сөп.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…