Олоҥхо ыһыаҕын кэмигэр арыгы атыыта тохтотуллар

Амма улууһугар  бу сыл бэс ыйын 19-21 күннэригэр арыгы атыыта тохтотуллар.

Бу туһунан уураахха бэҕэһээ, бэс ыйын 17 күнүгэр, улуус баһылыга илии баттаата. Докумуоҥҥа суруллубутунан, Амма улууһугар  арыгы атыыта маҕаһыыннарга, ол иһигэр дьон аһыыр сирдэригэр бэс ыйын 19-21 күннэригэр   бобуллар.

Санатан эттэххэ,  Ил Дархан Айсен Николаев сорудаҕынан бу сыл бэс ыйын 20-21 күннэригэр Амма улууһугар Олоҥхо ыһыаҕа ыытыллыаҕа. Ыһыахха 25 тыһыынчаттан тахса киһи сылдьара былааннанар.