Хаартыска: Култуура министиэристибэтин прес-сулууспата
Быйылгы Олоҥхо ыһыаҕын тэрийэр кэмитиэт муус устар 15 күнүгэр өрөспүүбүлүкэтээҕи куонкурустар испииһэктэрин бигэргэттэ. От ыйын 4-5 күннэригэр Нерюнгри улууһугар ыытыллар Олоҥхо ыһыаҕын бырагырааматыгар 70-тан тахса тэрээһин киллэрилиннэ.
Ыһыах бырагырааматын СӨ бырабыыталыстыбатын бэрэссэдээтэлин солбуйааччы Сергей Местников салайааччылаах тэрийэр кэмитиэт мунньаҕар бигэргэттилэр.
Барыта 9 хайысхаҕа 47 куонкурус киллэрилиннэ (олоҥхо, оһуохай, тойук, дэгэрэҥ, чабырҕах, хомус, кылыһах-кырыымпа, аҕыйах ахсааннаах төрүт норуоттар фольклордара, ол иһигэр “Девэйдэ” үҥкүү).
Ону таһынан уустарга, декоративнай-прикладной ускуустубаҕа, норуоттар үгэс буолбут таҥастарыгар куонкурустар уо.д.а. ыытыллыахтара.
Олоҥхо ыһыаҕын арыллыытын уонна түмүктээһинин сиэригэр-туомугар 1,5 тыһыынча киһи кыттыаҕа. Бэлэмнэниилэр бэс ыйын 24 күнүттэн саҕаланыахтара.
Олоҥхо ыһыаҕа Нерюнгри куорат 50 сылыгар аналлаах тэрээһиннэртэн биир сүрүннэринэн буолуоҕа. Куорат үбүлүөйүгэр Култуура паарката саҥардыллыаҕа. Ону таһынан муниципалитекка тиэргэннэр сирдэрин-уоттарын тупсарарга өрөспүүбүлүкэ бүддьүөтүттэн 100 мөлүйүөн солкуобай бэриллиэҕэ.
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…
Бултуулларын сөбүлүүр дьоҥҥо, булчуттарга маннык бэртээхэй сүбэ баар. Бастатан, айылҕатын быһыытынан тыһы ыт ордук…
Бүлүү өрүс хаҥас кытылын гаастааһын улахан бырагырааматын олоххо киллэриигэ, 2026-2031 сс. Үөһээ Бүлүү улууһугар Харбалаҕа,…
Саха сиригэр удаҕан көмүүтэ көһүннэ диэн иһитиннэрии төһө оруннааҕын билээри, саха биллэр этнографтарыттан биирдэстэрэ, Ем.…
Мииринэй оройуонун ИДьМ отделын дьуһуурунай чааһыгар Мииринэй олохтооҕо дьахтар баайын-дуолун алдьаппыттарын туһунан сайабылыанньа суруйан киллэрбит.…