Хаартыска: А.Васильева.
Бүгүн, сэтинньи 25 күнүгэр, Саха Өрөспүүбүлүкэтигэр Олоҥхо күнүгэр Ил Дархан анал истипиэндьийэлэрин Туоһу суруктарын туттарыы үөрүүлээх сиэрэ-туома буолла.
Бырабыыталыстыба дьиэтин Өрөспүүбүлүкэ саалатыгар сахалыы таҥастаах үөрбүт-көппүт дьон тоҕуоруһа муһунна.
Ил Дархан Айсен Николаев кинилэри Олоҥхо күнүнэн эҕэрдэлээтэ:
— Хас биирдиигитигэр саха норуотун үгэһин, сиэрин, култууратын илдьэ сылдьаргыт, тарҕатаргыт иһин махтанабын. Төрөөбүт дойдубутун, төрүт култуурабытын сайыннарар буоламмыт, бигэ тирэхтээхпит. Олоҥхоһуттар, оһуохайдьыттар, уустар, норуот маастардара, эһиги хас биирдиигит бэйэҕит хайысхаҕытынан бэриниилээхтик үлэлии-хамсыы сылдьаҕыт, сайыннараҕыт, ыччаты уһуйаҕыт, онуоха махтанабын. Ийэ култуурабыт биһиги барҕа баайбыт буолар.
4 сыл иһигэр барыта 107 киһи истипиэндьийэни ылла. Быйыл Олоҥхо иккис 10 сыла буолла. 20 сыл устата ыытыллыбыт далааһыннаах үлэ түмүгүнэн, олоҥхобут киэҥник тарҕанна, аар-саарга аатырда. Ол үлэни салгыыр сыалтан, 50 мөл. солк. көрөргө сорудахтаатым. Ыам ыйын 25 күнүгэр Оһуохай күнүн олохтоотубут. Онтон 2026-2035 сыллары Олоҥхо үһүс 10 сыла саҕаланарын туһунан иһитиннэрэбин, — диэн Айсен Николаев эттэ.
Бу кэнниттэн Ил Дархан үөрүүлээх быһыыга-майгыга бу дьаһалга илии баттаата.
Онуоха Ил Түмэн бэрэссэдээтэлин солбуйааччы Александр Жирков ойон туран, «уруй!” хаһыытаата. Мустубут дьон эмиэ сүһүөхтэригэр туран, айхаллаатылар.
Истипиэндьийэлэри туттарыы сиэрэ- туома саҕаланна.
Олоҥхоһуттарга — Дудкин Максимҥа (Аллайыаха), Дьячковскай Николайга (Чурапчы), Раиса Марковаҕа (Таатта), Виталий Никифоровка (Мэҥэ Хаҥалас), Семен Черноградскайга (Уус Алдан), Наталья Эконоваҕа (Сунтаар) тутардылар.
Оһуохайдьыттарга — Тамара Дмитрьеваҕа (Ньурба), Валентина Дьячковскаяҕа (Чурапчы), Егор Егоровка (Үөһээ Бүлүү), Светлана Зедгенидзеваҕа (Сунтаар), Дмитрий Ивановка (Сунтаар), Светлана Ивановаҕа (Бүлүү), Сахаайта Мойтохоноваҕа (Үөһээ Бүлүү) туттардылар.
Тимир уустарыгар — Николай Аржаковка (Дьокуускай), Елисей Баишевка (Мэҥэ Хаҥалас), Михаил Баишевка (Нам), Иван Павловка (Бүлүү), Василий Уаровка (Сунтаар), Александр Шепелевка (Уус Алдан) туттардылар.
Норуот маастардарыгар — Надежда Ахматоваҕа (Чурапчы), Елена Большаковаҕа (Үөһээ Халыма), Мария Аммосоваҕа (Усуйаана), Дора Игнатьеваҕа (Хаҥалас), Азияна Харлампьеваҕа (Дьокуускай), Семен Черноградскайга (Хаҥалас), Федор Чээриҥҥэ (Таатта) туттардылар.
Норуот маастара Федор Чээрин харда тылы эттэ, истиҥник махтанна уонна бэйэтэ оҥорбут чороонун туттарда.
30 тыһыынча солкуобай суумалаах истипиэндьийэни кинилэр ый аайы сыл устата ылыахтара.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…