«Олоҥхону ааҕабыт» марафон

Сэтинньи ый Олоҥхо ыйыгар ананар. Кэбээйи улууһун Куокуй нэһилиэгэр Олоҥхо декадата саҕаланна.

Тимофей Сметанин аатынан модельнай бибилэтиэкэ сэбиэдиссэйэ Варвара Никифоровна Спиридонова, олохтоох оскуола бибилэтиэкэрэ Антонина Петровна Павлова тэрийиилэринэн «Олоҥхону ааҕабыт» диэн марафоҥҥа нэһилиэкпит тэрилтэлэрин үлэһиттэрэ көхтөөхтүк кытыннылар: оскуолаттан Мария Гуляева, бэтэринээрийэттэн Людмила Игнатьева, «Күннэй” маҕаһыын сэбиэдиссэйэ Анастасия Игнатьева, «Угуйаан» култуура киинин үлэһиттэрэ Зоя Гуляева, Саргылана Спиридонова, Дмитрий Сметанин, кыраайы үөрэтээччи Геннадий Иванов, «Туосчаан» куруһуок салайааччыта  Оксана Игнатьева, кырдьаҕастар түмсүүлэрин салайааччыта Нина Олесова.

12 араас олоҥхоттон быһа тардан аахтылар. Былатыан Ойуунускай » Дьулуруйар Ньургун Боотур», Сергей Васильев «Эрчимэн Бэргэн», Афанасий Федоров «Тимир Куйахтаах Турантай Бухатыыр», Тоҥ Суорун -Дыырай Бөҕө, Булааҥкый Боотур уо. д. а.

Дьоммут-сэргэбит Олоҥхо эйгэтигэр киирэҥҥит, ааҕаҥҥыт толкуйгут тобулуннун, санааҕыт сайыннын, билиигит эбилиннин.

Полина Жергина.