Хаартыска: Ангелина Васильева
Нерюнгригэ Олоҥхо ыһыаҕар түөрт сыллааҕыта Үөһээ Бүлүүгэ саҕаламмыт «Олоҥхону ааҕабыт» бырайыак салҕанна.
Үгэс курдук, бырайыагы оройуоннааҕы кииннэммит бибилэтиэкэ тэрийдэ. Бырайыагы саҕалааччылар буолалларынан, Үөһээ Бүлүүтээҕи кэлиэгэлэрэ көмө буоллулар, сүбэ-ама биэрдилэр.
Уратыта диэн, быйыл »Дьулуруйар Ньургун Боотур» олоҥхону сэттэ омук тылынан аахтылар: сахалыы, нууччалыы, эбэҥкилии, английскайдыы, французскайдыы, персидскэйдии, таджиктыы…
Таджиктыы уонна персиялыы тылынан Нерюнгригэ олорор общиналар бэйэлэрэ тылбаастаабыттар. Икки күн устата барыта 101 киһи ааҕыаҕа. Бибилэтиэкэлэр эрдэттэн сайаапкалары хомуйбуттар, ааҕар кэрчиктэрин ыыппыттар.
— Олоҥхону ааҕыы олохтоохторго улахан интэриэһи үөскэттэ. Эрдэттэн бэлэмнэнэн, олус долгуйан аахтылар. Кыттааччыларбытыгар биһиги ураты бэлэҕи бэлэмнээбиппит — Нерюнгри чоҕун тупсаҕай өстүөкүлэ хааҕа уган, бырайыак аатын көмүс буукубанан суруйан биэрбиппитин бары астыннылар, махтаннылар. Кинилэргэ бэлиэ өйдөбүнньүк буолла. Кэлин кэлэн суруйтара сатаабыт элбэх этэ, — диэн кииннэммит бибилэтиэкэ дириэктэрэ Елена Строкова кэпсээтэ.
«Дальний Восток – Земля приключений» куонкуруска “Тропами Победы” (“Кыайыы ыллыгынан”) диэн саҥа номинация баар буолла.…
Саха сиринээҕи ИДьМ наркотигы хонтуруоллуур отделын үлэһиттэрэ бобуулаах веществолары сокуона суох тарҕатыыга уорбаланар 30 саастаах…
Леонид Попов аатынан Сунтаар улуустааҕы библиотекатын айымньылаах үлэтин биир бэлиэ көстүүтүнэн үгэс курдук ыытыллар “Сунтаар…
Өрөспүүбүлүкэтээҕи Олоҥхо ыһыаҕын сүрүн түгэннэриттэн биирдэстэринэн «Батыйа - эр хоһуун санаа уонна үрдүк таһым бэлиэтэ»…
Саха сиригэр 1 тииптээх саахарынай диабеттаах 2-17 саастаах оҕолор сыл бастакы аҥаарыгар глюкоза тиһигин быспат…
Саха сирин мадьыныларыгар уонна боксердарыгар Арассыыйа успуордун маастарын ааттара иҥэрилиннэ. Туһааннаах бирикээскэ дойду успуордун миниистирэ…