Олорон эрэ үлэҕэ ханнык эрчиллиилэри оҥоруохха?

Күнү быһа олорор үлэлээх киһи хайаан да туран, араас эрчиллиилэри оҥорон ылара туһалаах.

 

Холобур:

-кэбиниэт иһигэр хаамыталаа;

-чэпчэки эрчиллиилэри оҥор;

-истиэнэҕэ сыстан сискин көннөр.

Туран көрбөккө эрэ икки чаастан ордук кэм устата олоруу доруобуйаҕа буортулаах. Тоҕо диэтэххэ, былчыҥнар, тымырдардар эмиэ «сылайаллар» уонна төбөҥ ыалдьыан сөп.

 

Массаас

Эрчиллиилэри сэргэ моойу кыратык массаастыахха сөп. Оччоҕо былчыҥнар сымныыллар.

Онуоха:

Тарбахтаргынан кэтэххиттэн сис тоноҕун диэки үөһээ-аллараа  имэрий, массаастаа.

Кэтэххэр төннөн кэлэн  төгүрүччү имэрин.

 

Үлэ миэстэтигэр эрчиллии

Өскөтүн бириэмэҥ олох суох эбэтэр үлэлиир миэстэҕиттэн кыайан турбат курдук элбэх үлэлээх буоллаххына, олорон эрэ эмиэ эрчиллиэххэ сөп:

Атаҕыҥ тиҥилэҕин хамсат;

Төбөҕүн уҥа-хаҥас эргит, онтон санныгын иннигэр-кэннигэр эргит.

Илиигин бэйэҥ иннигэр күлүүстүү тутан баран үөһээ көтөх;

Эрчиллиилэри биир чааска биирдэ эбэтэр төһө кыайаргынан оҥор.

 

Көхсүгүн көнөтүк тут

Остуолга сөпкө олоро сатаа. Көмпүүтэр экрана оруобуна хараҕыҥ көнөтүк көрөрүн курдук буолуохтаах. Итинник балаһыанньаҕа көхсүҥ көнө буолар.

Өйөнөрдөөх олоппос эбэтэр кириэһилэ табыгастаах.

Успуордунан дьарыктан. Успуорду офиска эккин-сииҥҥин имитиини уонна салгыҥҥа сылдьыыны кытта дьүөрэлээ. Үлэҕэ барар суолуҥ сорҕотун сатыы хаама сатаа, лиип оннугар кирилиэһинэн сырыт.