Олорор дьиэҕэ гааһы киллэттэриигэ көмө оҥоһуллар

Байыннай дьайыы кыттыылаахтарыгар уонна дьиэ кэргэттэригэр, элбэх оҕолоох,  кыаммат ыалларга, байыаннай дьайыы бэтэрээннэригэр, Аҕа дойду Улуу сэриитин кыттыылаахтарыгар, соҕотоҕун олорор биэнсийэлээхтэргэ, инбэлииттэргэ олорор дьиэлэригэр гаас киллэрэллэригэр анаан  150 тыһ. солк. материальнай көмө оҥоһуллар. 

Бу туһунан  «Сахатранснефтегаз» АУо генеральнай дириэктэрэ  Алексей Колодезников иһитиннэрдэ.

Туһааннаах көмө харчыны  олорор дьиэҕэ  гаас тэрилин, гааһы тарҕатар ситимнэргэ холбонуу үлэтигэр туһаныллар.

Санатан эттэххэ, Саха Өрөспүүбүлүкэтэ  Уһук Илиҥҥэ дойду Аҕа баһылыга Владимир Путин көҕүлээбит  социальнай гаастааһын бырагырааматын олоххо киллэриигэ инники күөҥҥэ сылдьар.