Олорор дьиэлэргэ ититиини хаһан арааралларын туһунан ОДьКХ министиэристибэтэ иһитиннэрэр

Дьокуускайга уонна сорох оройуоннарга ититиини ыам ыйын ортото араарыахтара диэн ОДьКХ министиэристибэтин пресс-сулууспата иһитиннэрэр.

«Ититии сезонун саҕалыыр уонна түмүктүүр туһунан быһаарыныылары туох баар нормативтары уонна күн-дьыл туругун усулуобуйатынан учуоттаан, муниципальнай тэриллии ылынар. Чопчу дааталар кэлэр нэдиэлэҕэ мунньахтар кэннилэриттэн биллиэхтэрэ. Ол эрээри, ыам ыйын ортотугар буолуо диэн сабаҕалыыбыт», — диэн биэдэмистибэҕэ иһитиннэрбиттэрин туһунан СИА суруйар.

Министиэристибэҕэ бэлиэтээбиттэринэн, оттук кэмэ 5 суукка устата салгын температурата ортотунан +8 кыраадыстан үрдүк турдаҕына тохтуур.