Хаартыска: Галина Мозолевская, ЯСИА
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав Слепцов иһитиннэрдэ.
Киин куоракка дьиэлэри ититэр ситимҥэ холбооһун балаҕан ыйын 8 күнүттэн саҕаламмыта. Бүгүҥҥү күн туругунан, куорат элбэх кыбартыыралаах бары дьиэлэрэ — 2653 дьиэ ититии ситимигэр холбонно.
Оҕо саадтарыгар, оскуолаларга, балыыһаларга ититии эмиэ киирэн турар. Социальнай эбийиэктэргэ 361 тэрилтэ холбонно. Билиҥҥитэ 4 эбийиэк холбоммокко турар. Үөрэх министиэристибэтин 3 эбийиэгэ уонна спорт министиэристибэтин 1 эбийиэгэ — бу нэдиэлэҕэ бу тэрилтэлэри ититии ситимигэр холбуохтара.
Билигин ититии систиэмэтиттэн салгын хаайтарбытын таһаарыы үлэтэ салҕанар. Салайар хампаанньалар подъезтары кэрийэ сылдьан, үлэлииллэр. Онон батарыайа тымныы буоллаҕына, олохтоохтор салайар хампаанньаларыгар, ТСЖ-га, эбэтэр, Кэлим дьуһуурунай сулууспаҕа 44-45-64 нүөмэргэ эрийэн, биллэриэхтэрин сөп.
Бу Кэлим дьуһуурунай сулууспа нөҥүө күннэтэ 257 кэриҥэ сайабылыанньа киирэр.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…