Александра Егорова хаартыскаҕа түһэриитэ
Сааскы кэрэ кэмнэринэн Аммаҕа «Хардыы» түөлбэ олохтоохторо тэлгэһэлэригэр уонна олорор уулуссаларыгар субуотунньуктаатылар.
Олорор сирбит-уоппут ыраас буоларын туһугар бары кыһамньыбытын уурабыт. Онон субуотунньуктарга көхтөөхтүк кыттарга кыһаллабыт. Олорор уулуссабытын, тэлгэһэбитин ыраастаабыппытын, өрө тардыбыппытын таһынан, түөлбэбит спортивнай былаһааккатыгар уопсай субуотунньук эмиэ буолла. Спортивнай былаһааккаҕа өрөспүүбүлүкэҕэ олохтоох көҕүлээһини өйүүр бырагыраама көмөтүнэн 2018 сыллаахха оҕо оонньуур былаһаакката, 2023 сыллаахха спортивнай тренажердар уонна 2024 сыллаахха оҕолор футболлуулларыгар дьоҕус былаһаакка баар буолбуттара.
Күһүн олохтоохтор бэйэбит күүспүтүнэн бу былаһаакка иһигэр 83 хатыҥы уонна 10 рябинокизильнигы, 12 яблоняны, 14 сибэккилээх ыарҕа үүнээйитин (сирень), 10 розаны ( 3 араас көрүҥүн), уо.д.а. мастары олордубуппут. Субуотунньукка оҕолор, улахан дьон бары тахсан үлэлээбиттэрэ. Бу сааскы субуотунньукка эмиэ оҕолордуун, улахан дьоннуун бары бииргэ түмсэн үлэлээтибит. Мастарбытыгар уу куттубут, бөҕү-сыыһы хомуйдубут, туһаныллыбат тутуу матырыйаалларын былаһааккаттан тиэйдибит.
Субуотунньуктар күүстэринэн уулуссалары хомуйуу, сибэкки, мас олордуута, былаһааккалары өрө тардыы, хомуйуу, тутуу үлэлэрэ ыытыллан, олохтоохторго бука барыбытыгар астына-дуоһуйа сынньанар усулуобуйа тэриллэр.
Александра Егорова,
«Хардыы» түөлбэ олохтооҕо, Амма.
Александра Егорова хаартыскаларга түһэриитэ.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…