Олорор сирбит ыраас буоларын туһугар

Улуу Кыайыы күнүн көрсө ыам ыйын 4 күнүгэр Пригороднай бөһүөлэккэ Кыайыы сүүрүүтэ буолуохтаах.

Ол иһин олорор сирбит ыраас буоларын туһугар, бөҕү-саҕы хомуйуохха диэн, бөһүөлэк дьахталларын сэбиэтэ олохтоохтору субуотунньукка ыҥырбыта.

“Хомойуох иһин, субуотунньукка олохтоохтор тахсыылара көһүүн, сүрүннээн биһиги бэйэбит, Аҕа сүбэтэ, бэйэбит оҕолорбут уонна дьаһалта үлэһиттэрэ сырыттылар, — диэн кэпсээтэ сэбиэт бэрэссэдээтэлэ Чэмэлиинэ Скрябина. – Владимир Колесовка махталбытын тиэрдэбит, таһаҕас тиэйэр массыынатынан кэлэн, бөҕү барытын тиэйэн, илдьэн сүөкээтэ. Киниэхэ Аҕа сүбэтин бэрэссэдээтэлэ Ньургун Тихонов көмөлөстө. Хас биирдии киһи киртиппэккэ ыраастык сылдьара буоллар, куораппыт да, бөһүөлэкпит да куруук ыраас, киһи хараҕын үөрдэ туруо этэ”.