Хаартыска: Видеоттан скрин.
Бэҕэһээ бассаабынан Кэбээйи улууһун Мастаах уһуйаанын эркинин сыбаҕа таһыргыы-таһыргыы хоҥнон түһэр, көрөн турдахха хайыта барар видеота тарҕанан, элбэх киһини куттатта. Ити тахсыбыт түгэнинэн Үөрэх уонна билим министиэристибэтэ официальнай иһитиннэрии оҥордо.
“Кэбээйи улууһун Мастаах сэлиэнньэтин уһуйаанын сэбиэдиссэйэ иһитиннэрбитинэн, 2024 сыл олунньу 19 күнүгэр киэһэ 21 ч. 42 м. 17-с нүөмэрдээх “Чуораанчык” уһуйаан киирэр аанын эркинэ хайа барда. Хайа барыы кээмэйэ 6 см. кэриҥэ курдук.
Бу тахсыбыт быһылаанынан дьиэни көрөн акт толордулар. Кэрийэн көрүү түмүгэр бөлөхтөргө саҥа хайдыы бэлиэтэммэтэх. Хамыыһыйа 2024 сыл олунньу 20 күнүттэн сиһилии быһаарыллыар диэри уһуйааҥҥа үөрэх хаамыытын тохтоторго быһаарда.
Эбэн эттэххэ, уһуйаан дьиэтэ 2017 сыллаахха “Сахам сирэ XXI үйэҕэ” өрөспүүбүлүкэтээҕи үтүө дьыала хамсааһын иитинэн тутуллубута. Сакаасчытынан муниципальнай оройуон буолар. Дьиэ этээһэ суох, таас тутуу, акылаата турба.
Улуус дьаһалтатын иһитиннэриитинэн, олунньу 21 күнүгэр, Мастаах сэлиэнньэтигэр улуус хамыыһыйата уонна борокуруор тиийэрэ былааннанар.
Уһуйааҥҥа үөрэх хаамыыта тохтоото. Хамыыһыйа уһуйааны көрөрүн таһынан, үөрэх хаамыытын атын дьиэҕэ көһөрөн салгыыр туһунан боппуруоһу көрүөҕэ” – диэн суруйар.
Итини сэргэ, эбийиэк тиэхиньиичэскэй туругун анал тэрилтэ ЯкутПНИИС чинчийэригэр улуус сайаапка биэрбитин, чинчийиини ыытыы уонна түмүгү биэрии болдьоҕо 45 күҥҥэ тэҥнэһэрин эбэн этэллэр. ЯкутПНИИС түмүгэр олоҕуран, дьиэни бөҕөргөтөр ирдэнэрин дуу эбэтэр эбийиэк салгыы туһаныллар кыаҕа суоҕун дуу туһунан быһаарыы ылыныллыаҕа диэн министиэристибэ иһитиннэрэр. Видео бассааптан* (*признана экстремисткой организацией, ее деятельность запрещена в России) ылылынна.
(*признана экстремисткой организацией, ее деятельность запрещена в России)
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…
Дьокуускайга от ыйын 1 күнүгэр Байыаннай дьайыы бэтэрээннэрин күнүгэр аналлаах сибэкки дьөрбөтүн ууруу үөрүүлээх тэрээһин…
Бэс ыйын 30 күнүгэр СӨ Национальнай бибилэтиэкэтигэр киһи аймах историятын икки саамай былыргы айымньыта –…