Олунньу 26 күнэ: хаар, буурҕа, -3…-8°С кыраадыс буолуо

Бүгүн, олунньу 26 күнүгэр, Саха сиринээҕи УГМС синоптиктара киин улуустарынан хаар түһэрин, Мииринэйгэ, Сунтаарга күүстээх хаар түһэрин билгэлииллэр.

Өрөспүүбүлүкэ арҕаа өттүгэр, күнүс уонна киин улуустарынан кыралаан хаардыыр, Мииринэй, Сунтаар оройуоннарынан күүстээх хаар түһэрэ билгэлэнэр. Кыра тыаллаах, Кэбээйи, күнүс сорох сиринэн Ленскэй оройуонугар соҕурууттан сөкүүндэҕэ  15-20 м. түргэннээх күүстээх тыаллаах. Булуҥ улууһугар хотугулуу-илинтэн сөкүүндэҕэ 17-22 м. түргэннээх тыаллаах, буурҕа түһэр. Хотугулуу-илин улуустарынан сөҥүүтэ суох.

Салгын температурата түүн -25-30°, былыта суох буоллаҕына -34-39°, хотугулуу-илин -39-44°, Өймөкөөҥҥө -48°, арҕаа -17-22°, соҕуруулуу-арҕаа -10-15° кыраадыс тымныы. Күнүс салгын температурата -16-21°, хотугулуу-илин -28-33°, арҕаа, соҕуруу -10-15°, соҕуруулуу-арҕаа улуустарынан -3-8°С.

Дьокуускайга салгын температурата түүн -25-27°, күнүс -15-17° кыраадыс тымныы, сөҥүүтэ суох, хотугулуу-арҕааттан сөкүүндэҕэ 2-5 м. түргэннээх тыаллаах, күнүс соҕуруулуу-илинтэн сөкүүндэҕэ 4-9 м. түргэннээх тыаллаах.