Олунньу — сырдык кэм

Олунньуга саас кэлиитин уонна хайдах сайын кэлэрин буолуоҕун  анаараллар.

Ый хаһыс күнүгэр сылыйар да, кэлэр ыйга ол кэмҥэ бэлиэтээһин буолар. Олунньуга сылаас, былыттаах буоллаҕына сайын — кураан, тымныы буоллаҕына – сайын ардахтаах. Тымныы тостор сис былыта олунньу 15-20 күннэригэр буолар.

Олунньу 1 күнэ.  Дьыл оройо. Кыһыҥҥы хонук аҥаара бүтэр. Кыстыыр от аҥарыттан итэҕэһэ суох хааллаҕына, үчүгэйдик сыл тахсыллар. Бу күн хайдаҕый да, ый бүтүүтэ оннук буолуоҕа. Былыта суох күннээх буоллаҕына, саас эрдэ кэлэр. Эһэ арҕаҕар сытан эргийэр, биирдэ ытыһын саланар.

Олунньу 2 күнэ. Ый дьиэлэннэҕинэ — мөлтөх үүннүүлээх сайыҥҥа. Күн орто күннээх буоллаҕына, эрдэтээҥҥи саас, былыттаах буоллаҕына, хойукка диэри тыалырар.

Олунньу  10 күнэ. Хайах хостуур күн.  Күн тыалырдаҕына — сайына ардахтаах.

Олунньу 12 күнэ.  Иккис Охонооһойоп. Тымныы оҕуһун Бастакы муоһа тостор. Куйуурдааһыны саҕалыахха сөп. Сырдык кэм: күн уһуна 9 чаас.

Олунньу 15 күнэ. Бу күн тыалырдаҕына – сааһа хатааһыннаах.

Олунньу 24 күнэ. Үһүс Охонооһойоп. Тымныы оҕуһун Иккис муоһа тостор. Сырдык кэм. Күн уһуна 10 чаас.