Хаартыска СИА
Олунньу ыйга тугу ыһабыт, олордобут? Үүнээйи ханнык суортара элбэх аһы биэрэрий? Ханнык суортар улахан көрүүгэ-истиигэ наадыйбаттарый?
Оҕуруотчуттарга анаан РНА СО Криолитозона биологическай проблемаларын институтун СӨ Ботаническай саадын лаборант-чинчийээччитэ Ариана Малышева сүбэлиир.
«Олунньу ый иккис аҥаарыттан сылытыллыбыт тэпилииссэҕэ биэрэһи, томаты уонна баклажаны сиэмэнэн ыһыы саҕаланар. Биэрэскэ кыһыл уонна саһархай өҥнөөх астаах «Богатырь», «Калифорнийское чудо» уонна универсальнай «Ласточка» диэн суортары талан олордор табыгастаах. Аһыы астаах биэрэһинэн «Аджика» уонна «Красный толстяк» диэн суортар үчүгэйдэр. Оттон баклажаҥҥа «Мечта огородника» диэн суорда барсар», — диэн Ариана Малышева кэпсээтэ.
Эспиэр сүбэлииринэн, «Бычье сердце», «Орлиный клюв», «Верлиока», «Благовест», «Сибирский скороспелый» уонна «Банановые ноги» томат суортарын ылар ордук.
«Олунньу ортото дьэдьэни олордуохха сөп. Ремонтантнай уонна соҕуоччуга суох суортары талар ордук, оччотугар күһүҥҥэ диэри хас да төгүл отону быһыаххыт», — диэн бэлиэтээтэ Ариана Малышева.
Итини кытта клубниканы ыһыахха сөп. Оччотугар клубника үүнүүтүн эмиэ эрдэ биэриэҕэ. Сиэмэни буорга тохсунньу бүтүүтэ эбэтэр олунньу саҥатыгар ыһар ордук. Клубника ыам ыйын бүтүөр диэри улаатар, онон аһаҕас буорга хойут көһөрүллэр. Ол эрэн өйдөөн -үүнээйи биэс сэбирдэхтэҕинэ эрэ көһөрөр табыгастаах.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…