Олунньу 20 күнүгэр диэри тыыл бэтэрээннэрэ уонна сэрии кэмин оҕолоро төлөбүрдэри тутуохтара

Улуу Кыайыы 80 сылы көрсө тоҕус сэрии бэтэрээнэ 2 мөлүйүөннүү солкуобайы ылбыттара. Аны олунньу 20 күнүгэр диэри үрдээбит кээмэйдээх төлөбүрдэри блокадниктар, концлааҕырга түбэспиттэр, тыыл бэтэрээннэрэ уонна сэрии кэмин оҕолоро тутуохтара. Бу туһунан Ил Дархан Айсен Николаев бүгүн, тохсунньу 21 күнүгэр, «Прямой разговор» биэрии кэмигэр иһитиннэрдэ.  

«Сэрии бэтэрээннэригэр 2 мөлүйүөннүү солкуобай ыытыллыбыта. Билигин үрдээбит кээмэйдээх төлөбүрдэри блокадниктар, концлааҕырга түбэспиттэр, тыыл бэтэрээннэрэ уонна сэрии кэмин оҕолоро тутуохтара. Олунньу 20 күнүгэр диэри өрөспүүбүлүкэ үрдүнэн төлөбүрдэри барытын ыытар сорук баар», — диэн Ил Дархан эттэ.