Олунньуга 767 оҕо төрөөтө

Саха сиригэр олунньуга 767 оҕо: 414 уол уонна 353 кыыс төрөөтө. 

ЗАГС управлениета иһитиннэрбитинэн, олунньуга төрөөбүт уолаттарга саамай тарҕаммыт ааттарынан Тимур, Александр, Артём, Арылхан, Роман, Арчын буоллулар. Кыргыттарга — София, Кэрэли, Кира, Алина, Амелия, Милана.

Сэдэх ааттарга киирдэххэ, уолаттарга — Адам, Викториан, Герасим, Елеазар, Кай, Ларион, кыргыттарга — Аселия, Баяна, Жасмин, Ливия, Николетта, Селина.

Саҥа төрөөбүт оҕолорго барыларыгар «100 сыл оҕолоро» хапытаал төлөнөр. Бу хапытаал 5 сылга уһаабыт, сыл аайы индексацияланар.

Маны тэҥэ, 2025 сыл тохсунньу 1 күнүттэн төрдүс уонна онтон кэлэр оҕоҕо Өрөспүүбүлүкэтээҕи ийэ хапытаала төлөнөр буолла. Икки хапытаал суумата 433 тыһыынча солкуобайга тэҥнэһэр.

Былырыын Саха сиригэр 10 721 оҕо: 5443 уол, 5278 кыыс төрөөбүтэ.