Олунньуга 828 оҕо төрөөбүт

2023 сыл олунньутугар Саха сиригэр 828 оҕо төрөөбүт: 419 уол уонна 409 кыыс. Бу сыл икки ыйыгар барыта 1766 оҕо төрөөбүт, ол иһигэр 929 уол уонна 837 кыыс.

ЗАГС управлениетын дааннайынан, олунньу ыйга уолаттары саамай элбэхтик Артём, Дамир, Даниил, Дмитрий, Кирилл, Лев, Мирон, Михаил, Тимур диэн ааттаабыттар.

Бу ыйдааҕы сэдэх ааттарга Адам, Борис, Василий, Еремей, Евсей, Конон, Маркел, Ростислав, Спартак, Юрий диэн ааттар бааллар.

Оттон кыргыттарга саамай тарҕаммыт ааттарынан Алина, Алиса, Виктория, Диана, Ева, Милана, Мия, Сандаара, София диэн буолбуттар.

Сэдэх ааттарынан саҥа төрөөбүт кыргыттары  Аврора, Ариель, Бэлла, Вилена, Даяна, Есения, Сабрина, Нея, Николина, Тамара, Эвелина, Ярослава диэн ааттаабыттар.

Ил Дархан, бырабыыталыстыба дьаһалтатын пресс-сулууспата.