Олунньуга элбэх кыбартыыралаах 12 дьиэ үлэҕэ киллэриллиэ

Саха сиригэр хаарбах дьиэттэн көһөрүү бырагыраамата Арассыыйаҕа саамай тэтимнээх диэтэххэ, сыыһа буолбат. 2023 сыл түмүгүнэн, өрөспүүбүлүкэҕэ рекорд оҥоһуллубута — 705 тыһыынча кв.м. иэннээх олорор дьиэ тутуллан киирбитэ. Бу бэрэсидьиэн Владимир Путин көҕүлээбит бырагыраамаларынан олоххо киирэр.

2019-2025 сылларга барыта 61 тыһыынчаттан тахса киһини көһөрөр, 1,1 мөл. кв.м. иэннээх хаарбах дьиэни көтүрэр былаан баар.  Арассыыйаны ылан көрдөххө, бу бүтүн дойду былааныттан 10%-нын ылар. Онтон бу кэм устата хаарбах дьиэттэн көһөрүү бырагырааматынан элбэх кыбартыыралаах 186 дьиэ тутуллан киирбитэ.

2024 сыл олунньутугар элбэх кыбартыыралаах 12 дьиэ үлэҕэ киллэриллэрэ былааннанар. Дьэ, ханнык улуустарга тутуллубуттарый?

• Нерюнгригэ Улахан Хатыми бөһүөлэгэр — 38 кыбартыыралаах дьиэ.
• Сунтаар Уустуйатыгар — 30 кыбартыыралаах дьиэ.
• Томпоҕо Теплый ключ сэлиэнньэтигэр — 16 кыбартыыралаах дьиэ.
• Тумулга — 24 кыбартыыралаах дьиэ.
• Чурапчы сэлиэнньэтигэр — элбэх кыбартыыралаах дьиэ.
• Майаҕа — 40 кыбартыыралаах дьиэ.
• Зырянкаҕа — 45 кыбартыыралаах дьиэ.
• Сунтаар сэлиэнньэтигэр — 41 кыбартыыралаах дьиэ.
• Нам сэлиэнньэтигэр — 31 кыбартыыралаах дьиэ.
• Өлүөхүмэҕэ — Гагарин, Набережнай уулуссаларга үс элбэх кыбартыыралаах дьиэ.