Хаартыска: Мария Васильева, ЯСИА.
Олунньуга номнуо үктэннибит. Күммүт уһаабыта, хойукка диэри сырдыга, күнүһүн күн тыган ааһара күүтүүлээх-кэтэһиилээх саас иһэрин туоһулуур. Ол эрээри, кыһын үһүс кэрдииһигэр үктэнэбит (олунньу 1 күнүттэн кулун тутар 17 күнүгэр диэри). Олунньуга бу билгэлэри кэтээн көрүҥ эрэ.
Олунньу 1 күнэ – күн күннэннэҕинэ, үүммүт ый тымныы буолар. Халлаан ыраас буоллаҕына саас эрдэ кэлэр. Күн иккис аҥара буурҕаланнаҕына муус устар 17 күнүгэр диэри тибиилэнэр.
Олунньу 2 күнэ – тахсыбыт ый дьиэлэннэҕинэ, сайыҥҥы үүнүү мөлтөх.
Олунньу 6 күнэ – тиэргэниҥ хайдаҕый да, саас оннук буолар.
Олунньу 10 күнэ – өскөтө тыалырдаҕына ардахтаах сайын буолар.
Олунньу 12 күнэ – тымныы оҕуһун иккис муоһа тостор.
Олунньу 14 күнэ – түүнүн халлааҥҥа сулустар дьиримнии оонньоотохторуна саас хойутуур.
Олунньу 15 күнэ – тымныы лаппа сымныыр, кыһын сааһы көрсөр. Сарайга таммах чопчута үөскүүр.
Олунньу 24 күнэ – тымныы оҕуһун баһа быстар, улахан тымныылар бүтэллэр, 44 дьыбар хаалар.
Олунньу 28 күнэ – ый туолуута. Бу ый кыыллар сыбаайба оонньуур кэмнэрэ. Тэҥкэҕэ ымыы чыычаах мустар. Куйуурдууллар. Эһэ арҕаҕар биир эбэтэр икки оҕону төрөтөр. Көмнөҕү түһэрэр тыал түһэр.
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…