Хаартыска: sakha.gov.ru
2025 сыл олунньутугар психологтар өрөспүүбүлүкэҕэ уонна госпиталларга баран, 2600 кэриҥэ саҥаттан уонна хаттаан көрдөтүүнэн үлэлээтилэр. Толору арыаллааһын чэрчитинэн хаттаан ыытыллар консультациялары киллэрэн туран, 3000-тан тахса биирдиилээн уонна бөлөҕүнэн психологическай үлэни ыыттылар.
Бу туһунан олунньу 28 күнүгэр ыытыллыбыт брифиҥҥэ өрөспүүбүлүкэтээҕи психологическай киин дириэктэрэ Владимир Скрябин кэпсээтэ.
“Сүрүн психологическай үлэбит – психолог байыаннай дьайыы кыттыылааҕын, кини төрөппүттэрин, кэргэттэрин, оҕолорун кытта биирдиилээн көрсөн кэпсэтиитэ; ыарахан психоэмоциональнай турукка сылдьар киһиэхэ суһал психологическай көмөнү оҥоруу, байыастар дьиэ кэргэттэригэр эмоциональнай өттүнэн ыарахан түгэннэригэр өйөбүл буолан арыаллааһын; психологическай өйөбүл, ол иһигэр уһатан, хойутатан кэбиһиллибит уонна стресс кэннинээҕи турукка сүбэ-ама буолуу уонна арыаллааһын, эйэлээх олоххо киириигэ уонна атын хайысхаларга консультациялары биэрии; дьиэ кэргэттэри өйүүр бөлөхтөр, кинилэр хас да хайысханан үлэлииллэр, ол иһигэр сүтүктээх дьоҥҥо уонна сураҕа суох сүппүт дьон дьиэ кэргэттэрин киллэрэн туран», — диэн быһаарда Владимир Скрябин.
Психологическай киин психологтарыгар көрдөрүнүү барыта ким да билбэтинэн барар, туох да докумуон ирдэммэт, туспа аатынан суруйтарыахха сөп. Байыаннай дьайыы кыттыылаахтарыгар, кини дьиэ кэргэнигэр киин оҥорор өҥөтө босхо. Бу туһунан Ил Дархан, бырабыыталыстыба пресс-сулууспата суруйар.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…