Олунньуга уонна кулун тутарга хас күн өрүүбүт?

Арассыыйа олохтоохторо олунньуга, кулун тутарга Аҕа дойдуну көмүскээччилэр уонна Аан дойду кэрэ аҥаардарын күннэринэн сибээстээн уһуннук өрүөхтэрэ. Хас күн уонна хаһан өрүүр туһунан суруйабыт.

2024 сылга олунньу 23 күнэ бээтинсэҕэ түбэһэр. Онон бу судаарыстыбаннай бырааһынньыкка үс күн өрүөхпүт: олунньу 23-25 күннэригэр. Оттон олунньу 22 күнэ кылгатыллыбыт үлэ күнүнэн буолуоҕа. Бэлиэтээн суруйдахха, быйыл үрдүк сыл, онон олунньу 29 хонуктаах.

Оттон Аан дойду кэрэ аҥаардарын күннэрин бырааһынньыгынан сибээстээн кулун тутар 8, 9, 10 күннэригэр өрөбүллэр буолаллар. Кулун тутар 7 күнэ — кылгатыллыбыт үлэ күнэ.