Салгыы
Олунньуттан Өлүөнэ күргэтин тутуу саҕаланыаҕа

Олунньуттан Өлүөнэ күргэтин тутуу саҕаланыаҕа

Ааптар:
18.01.2024, 17:09
Бөлөххө киир:

Бу сыл олунньутуттан Өлүөнэ күргэтин тутуу саҕаланыаҕа. Ол туһунан СӨ тырааныспарга миниистирэ Владимир Сивцев иһитиннэрдэ.

«Тутааччылар Өлүөнэ өрүс хаҥас биэрэгэр үлэни саҕалыырга бэлэмнэр. Манна тутааччылар олороллоругар баахтабай бөһүөлэккэ технологическай былаһаакка бэлэмнэниллиэхтээх. Үлэ улахан тымныылар ааспыттарын кэннэ, олунньуга саҕаланыаҕа», — диэн миниистир Владимир Сивцев этэр.

Санатан суруйдахха, бэҕэһээ, тохсунньу 17 күнүгэр, Владимир Путин видео-кэмпириэнсийэнэн Бырабыыталыстыба чилиэннэрин кытта мунньах ыыппыта. Мунньах биир тиэмэтинэн Өлүөнэ өрүһү туоруур күргэни тутуу буолбута. Арассыыйа бэрэсидьиэнэ, күргэ тутуутугар үп биэс сылга ууруллубутун ыйан туран, бырайыак түһүмэҕин туһунан билиһиннэрбит вице-премьер Марат Хуснуллин иһитиннэриитин истибитэ.

Ил Дархан Айсен Николаев бу сыл бастакы кыбаарталыгар Өлүөнэ күргэтин тутуута саҕаланыаҕын туһунан эрдэ иһитиннэрэн турар. Өрүс хаҥас өттүгэр сүрүн түһүмэх үлэтэ саҕаланарыгар былаһаакка бэлэмнэммитэ – уот, сибээс уонна гаас ситимнэрин уларытан оҥорбуттара. Кытыл уҥа өттүгэр үлэ салҕанар.

+1
0
+1
0
+1
0
+1
0
+1
0
+1
2
+1
1
Бары сонуннар
Салгыы
19 апреля
  • -4°C
  • Ощущается: -7°Влажность: 80% Скорость ветра: 2 м/с

Сообщить об опечатке

Текст, который будет отправлен нашим редакторам: