Хаартыска: Мария Васильева, СИА.
Олунньуттан Социальнай пуонда бэтэрээннэргэ, инбэлииттэргэ, о.д.а. чэпчэтиилээх категориялаах дьоҥҥо биэнсийэлэрин үрдэтиэҕэ. Барыта 40-тан тахса босуобуйалар, төлөбүрдэр 5,6% үрдүөхтэрэ.
Бу үрдээһин ый аайы бэриллэр төлөбүрдэргэ уонна социальнай өҥөлөр нобуордарыгар (НСУ), радиацияттан эмсэҕэлээбит дьону өйүүр миэрэлэргэ сыһыаннаах. Сайабылыанньа суруйар ирдэммэт.
Маны тэҥэ, 2026 сылга страховой биэнсийэ, Ийэ хапытаала, барыта 40-тан тахса социальнай босуобуйалар, төлөбүрдэр 5,6%-нан үрдүүллэр. Арассыыйаҕа страховой биэнсийэ индексацияланан, тохсунньуга 38 мөлүйүөн киһиэхэ 7,6%-нан үрдээбитэ.
Ийэ хапытаалын суумата олунньуттан 38,6 тыһыынча солкуобайынан эбиллэн, 728 921 солкуобайга тэҥнэһиэҕэ. Ийэ хапытаалын ылбыт эрээри, иккис оҕолоро төрөөбүт ыал 234 321 солкуобайы ылаллар. Онтон Ийэ хапытаалын ыла илик эрээри, иккис оҕолоро төрөөбүт ыал 963 243 солкуобайы ылыахтара (51 тыһыынча солкуобайынан үрдүүр).
Оҕо төрөөтөҕүнэ бэриллэр босуобуйа 28,5 тыһыынча солкуобайга, Үлэ Дьоруойдарыгар уонна Дьоруой Ийэлэргэ бэриллэр төлөбүр 76,5 тыһыынча солкуобайга тэҥнэһиэҕэ.
Олунньуга федеральнай чэпчэтиилээх дьоҥҥо (инбэлииттэргэ, сэрии бэтэрээннэригэр, өлбүт байыаннайдар төрөппүттэригэр, огдооболоругар, инбэлиит-оҕолорго, бойобуой дьайыылар бэтэрээннэригэр, судаарыстыба иннигэр ураты үтүөлээх дьоҥҥо) ыйдааҕы харчынан төлөбүр (ЕДВ) индексацияланыаҕа.
Ил Дархан Айсен Николаев ый түмүгүн таһаарар «Якутия, вперед!» быһа эпииригэр саха киинэтин ситиһиилэрин иһитиннэрдэ,…
Судаарыстыбаннай Сэбиэт энергетическэй хамыыһыйатын саамай кэнники мунньаҕар Уһук Илиҥҥэ уонна бүтүн дойдуга энергияны туһаныыга улахан…
Ил Дархан Айсен Николаев эрэгийиэҥҥэ доруобуйа харыстабылын тэрилтэлэрин тэрилинэн хааччыйыыны сүрүн соругунан турар диэн 2026…
Дьокуускай куорат «Юный горожанин» киинигэр XX үбүлүөйдээх өрөспүүбүлүкэтээҕи куонкурус муниципальнай түһүмэҕэ ыытылынна. Бу туһунан Дьокуускай…
Билигин туһана сылдьар халандаарбыт григорианскай диэн ааттанар. 1582 сыллаахха папа Григорий XIII киллэрбит. Ол эрээри,…
СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ Булуҥ улууһун Тиксии бөһүөлэгэр ньиэп бородууктата тохтубут…