Хаартыска: Мария Васильева, ЯСИА.
Сыл аайы үгэс быһыытынан олунньу 1 күнүгэр ыытыллар социальнай төлөбүрдэр индексациялара быйыл оҕолоох ыалларга ананар хас да босуобуйаны таарыйыаҕа. Бу туһунан Судаарыстыбаннай Дуума дьиэ кэргэни көмүскүүр кэмитиэтин бэрэссэдээтэлин бастакы солбуйааччыта Татьяна Буцкая иһитиннэрдэ.
«Сыл аайы олунньуга төлөбүрдэр, ол иһигэр оҕолоох ыалларга сыһыаннаахтар, индексацияланаллар», — диэн дьокутаат иһитиннэрбитин RT суруйар.
Дьокутаат бэлиэтээбитинэн, кэлиҥҥи сылларга индексация автоматическайдык оҥоһуллар, онон ханнык да эбии сайабылыанньаны, бигэргэтэр кумааҕыны эбэтэр ыспыраапканы биэрии ирдэммэт. Кини быһаарбытынан, өскөтүн ыал ханнык эрэ төлөбүргэ бырааптаах буоллаҕына, ол суума бэйэтэ автоматическайдык индексацияланар.
Ол курдук, ийэ хапытаалын суумата саҥа ылааччыларга эрэ буолбакка, сэртипикээти ылбыт, ол эрээри ситэ туһана илик дьоҥҥо эмиэ улаатыаҕа. Бастакы оҕоҕо туһаныллыбатах үп суумата 38 тыһыынча солкуобайынан улаатан, 729 тыһыынча солкуобайга тиийиэҕэ.
Иккис оҕоҕо эбиллии 51 тыһыынча солкуобай буолуо, оттон уопсай суумата – 963 тыһыынча солкуобайга тэҥнэһиэ. Өскөтүн үп сорҕото туттуллубут буоллаҕына, счетка хаалбыт суума эмиэ 5,6%-нан индексацияланыаҕа.
Ону таһынан, олунньу ыйтан оҕо төрөөтөҕүнэ биир кэмнээх босуобуйа кээмэйэ 28,5 тыһыынча солкуобайга диэри улаатыаҕа. Оттон инбэлиит оҕону эбэтэр аҕыс сааһыттан үөһэ саастаах оҕону ииттэхтэринэ, биир кэмнээх төлөбүр 217 тыһыынча солкуобайтан тахсыаҕа.
Күннээҕи түбүк быыһыгар, чуолаан үөрэх эйгэтигэр төһө элбэх үлэ ыытылларын бу салааттан ыраах киһи иҥэн-тоҥон…
Арассыыйа Дьоруойа, “Бастакылар хамсааһыннара” Бүтүн Арассыыйатааҕы оҕолор уонна ыччат уопсастыбаннай-судаарыстыбаннай хамсааһынын бырабылыанньатын бэрэссэдээтэлэ Артур Орлов …
Дойдуга бүддьүөт эйгэтин үлэһиттэрин хамнаһын төлөөһүн саҥа тиһигэ билигин хас да эрэгийиэҥҥэ тургутууну ааһар уонна…
Саха сиригэр судаарыстыбаннай түмүктүүр аттестацияны (СТА) ыытыы хаачыстыбатынан бастыҥ көрдөрүүлэри ситиспит үөрэх тэрилтэлэрин методическай уопуттарын…
Дьокуускайга Арассыыйа норуоттарын сомоҕолоһууларын сылынан уонна Саха сиригэр Култуура сылынан «Байыаннай дьайыы туһунан хоһоон бэстибээлэ»…
Уус-Алдан улууһун борокуратуурата икки олохтоох киһиэхэ сыһыаннаах холуобунай дьыалаҕа буруйдааһын түмүгүн бигэргэттэ. Кинилэр РФ Холуобунай…