Хаартыска: Үүнэр көлүөнэ тыйаатырын пресс-сулууспата.
«Саха» НКиХ кулун тутар 4 күнүттэн саҥа 16 сиэрийэлээх «Омоон суоллар» диэн сахалыы киинэни күөх экран нөҥүө өрөспүүбүлүкэ бары олохтоохторугар көрдөрөн саҕалаата.
Бу киинэни ааспыт сылга Мэҥэ Хаҥалас улууһун Хара нэһилиэгэр устубуттара. Сүрүн уратытынан, артыыс эйгэтигэр олох сыһыана суох, олохтоох дьон уһуллубуттара буолла. Маны кытта СӨ Үүнэр көлүөнэтин судаарыстыбаннай тыйаатырын артыыстара, Арассыыйа култууратын үтүөлээх үлэһиттэрэ Матрёна, Алексей Павловтар салайааччылаах «Омоон суоллар» диэн сахалыы киинэҕэ кыттыыны ыллылар.
Киинэ сүрүн дьоруойун, учаастактааҕы полиция оруолун тыйаатыр эдэр артыыһа Ньургун Черов толорор. Учаастактааҕы полиция ийэтин оруолун СӨ Үтүөлээх артыыската Мария Данилова итэҕитиилээхтик биэрэр. Маны сэргэ, тыйаатыр эдэр артыыһа Спартак Ларионов түүҥҥү кулууп хаһаайынын уобараһын кылгас эпизод иһигэр толору арыйда.
Өрөспүүбүлүкэ үгүс улахан тэрээһиннэрин туруорар режиссер Радомир Томскай киинэ эйгэтигэр бастакы холонуута. Киинэҕэ үлэлэһэр испэктээги туруорууттан уратыта сынаарый суруйуутуттан саҕаланар. Ол курдук, сэрийээл сынаарыйын суруйбут Октябрина Шестакова номнуо 4-с киинэтинэн буолла. Кини бу киинэҕэ учаастактааҕы полиция үлэтин сырдатарыгар сорох түгэннэри дьиҥ олохтон уонна уобараһын арыйарыгар үгүс саҥа өрүтү бэйэтэ айан, таҥан таһаарда. Киинэ сүрүн оруолун толорбут, идэтийбит артыыс Ньургун Черов кастиҥҥа кэлэн кыттан, уһулларга сөбүлэҥин биэрбит. Кини киинэ устааччылары, саҥа саҕалыыр артыыстары кытары олус тапсан, оруола төһө да ыарахан буоллар, оонньообут уобараһын толору арыйбытын бэлиэтиир диэн суруйар Үүнэр көлүөнэ тыйаатырын пресс-сулууспата.
Горнай оройуонугар ДПС иниспиэктэрдэрэ кыһыҥҥы тымныыга массыыната алдьаммыт суоппарга көмөлөстүлэр. Бу туһунан ИДьМ пресс-сулууспата иһитиннэрдэ. …
Эдьигээн оройуонугар суол саахалыгар икки киһи эмсэҕэлээтэ. Бу туһунан Госавтоиниспиэксийэ иһитиннэрдэ. Ахсынньы 22 күнүгэр …
Бүгүн, ахсынньы 25 күнүгэр, өрөспүүбүлүкэ хоту, соҕуруу өттүгэр кыралаан хаардыаҕа. Соҕуруулуу-илин хаар сөбүгэр түһүөҕэ. Киин,…
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…