«Омоон суоллар» сэрийээл салгыыта киинэ буолан тахсыаҕа

«Саха» Национальнай көрдөрөр-иһитиннэрэр хампаанньа «Омоон суоллар»  сэрийээл салгыытын уус-уран киинэ гынан уһула сылдьар диэн хампаанньа телеграм-ханаала иһитиннэрэр.

«Саҥа киинэ режиссерунан Радомир Томскай буолар. Хартыына сценарийын Октябрина Шестакова суруйда. Сүрүн оруолларга Ньургун Черов, Дьулуур Баланов, Петр Садовников оонньоотулар», — диэн суруйаллар.

Жанра: детектив, драма.

Киинэ 2026 сылга Саха сирин киинэ тыйаатырдарыгар тахсара былааннанар.