ОМС полиһынан чааһынай балыыһаҕа эмтэниэххэ сөп

ОМС полиһынан судаарыстыбаннай балыыһаларга эрэ буолбакка, чааһынай клиникаларга эмиэ эмтэниэххэ сөп. Ол туһугар эмтиир тэрилтэ булгуччулаах мэдиссиинискэй страховкалааһын Пуондатын реестрыгар киирэрин туһунан бигэргэтиилээх буолуохтаах.

Чааһынай клиникаларга полис көмөтүнэн туох өҥөлөрү ылыахха сөбүн олохтоох ОМС пуондатыгар эбэтэр талбыт клиникаҕытыгар билсиэххитин сөп.

Чааһынай клиникаҕа хайдах сыһыарыллыахха сөбүй?

Балыыһа кылаабынай бырааһын аатыгар сайабылыанньа суруйаҕыт, онно пааспаргыт, полискыт уонна СНИЛС ирдэнэр. Сайабылыанньаны 12 күн иһигэр көрүөхтээхтэр.

Атын эрэгийэҥҥэ регистрациялаах киһини балыыһаҕа сыһыарыыга аккаастыахтарын сөп дуо?

Судааарыстыбаннай да, чааһынай да балыыһаҕа атын эрэгийэнтэн эбэтэр куораттан сылдьаҕын диэн сылтаҕынан аккаастыыр бырааптара суох. Ол эрэн биири өйдүөх тустааххыт – ОМС көмөтүнэн балыыһаҕытын сылга биирдэ эрэ уларытар бырааптааххыт, үксүн уларытыы биричиинэтинэн атын сиргэ көһүү буолар.

Хаартыска Мария Васильева