Омук гражданина аан дойдутааҕы террористическай тэрилтэлэри пропагандалаабытын иһин хаайылынна

Ислам салафиттыы радикаллыы хайысхатын тутуһар буруйданааччы, интэриниэккэ аан дойдутааҕы террористическай тэрилтэлэр үлэлэрин пропагандалаабыт.

Саха сиринээҕи ФСБ управлениета иһитиннэрбитинэн, 1-кы Илин уокуруктааҕы байыаннай суут быһаарыытынан омук дойдутун гражданина Арассыыйа ХК 205.2 ыстатыйатын 2-с чааһыгар көрүллүбүт буруйу оҥорбутугар буруйдааҕынан билинилиннэ. Биэс сыл болдьоххо көҥүлэ быһылынна.

Холуобунай дьыаланы эрэгийиэннээҕи ФСБ управлениетын силиэстийэлиир подразделениета силиэстийэлээбит. Силиэстийэ кэмигэр буруйданааччы буруйун толору билиммит уонна холуобунай дьыаланы силиэстийэлииргэ көмөлөспүт. Суут бириигэбэрэ сокуоннай күүһүгэр киирэ илик, диэн СӨ Сууттарын холбоһуктаах пресс-сулууспата суруйар.