Омук гражданина хатыыһы балыктаан буруйданна

Саха сиригэр Кыһыл кинигэҕэ киирбит 11 хатыыһы бултаан омук гражданина буруйданна.

Бу туһунан ахсынньы 16 күнүгэр Илин-Сибиирдээҕи тырааныспар борокуратууратыгар иһитиннэрдилэр. Омук гражданиныгар холуобунай дьыала тэрилиннэ.

Буруйданааччы Өлүөнэ өрүс акваториятыгар ыам ыйыгар хатыыстары балыктаан ылбыт. Судаарыстыбаҕа оҥоһуллубут хоромньуну 3,5 мөл. солк. сыаналаатылар. Суут 1,5 сылга болдьоххо 1 сыл усулуобунайдык  хамнаһыттан 5 %- нын судаарыстыба дохуотугар тутан эбэһээтилинэй үлэҕэ буруйданна. Ону сэргэ судаарыстыба дохуотугар буруйдаах хоромньуну толору  төлүөҕэ.