Хаартыска: ЯСИА
Докумуоннары бэрэбиэркэлиир кэмҥэ ИДьМ «Дьокуускайдааҕы» иммиграционнай хонтуруолга отделын үлэһиттэрэ, дойду иһигэр бэйэтин быраабын туругун сааһылатар сыаллаах миграция боппуруостарыгар отделга тиийбит уонна сымыйанан оҥоһуллубут бэлиэлэрдээх, омук гражданина кэлбитин туһунан иһитиннэрии бланкатын быһан ылыллар чааһын көрдөрбүт 36 саастаах Кыргызстан гражданкатын туттулар.
Бэрэбиэркэ быһаарбытынан, докумуоҥҥа ыйыллыбыт аадырыһынан миграционнай учуокка туруутун туһунан сибидиэнньэ суох эбит.
Ити таһынан Очиченко уулуссаҕа патруллааһын кэмигэр ГАИ үлэһиттэрэ докумуоннары бэрэбиэркэлиир инниттэн «Тойота Аллион» массыынаны тохтоппуттар, диэн ИДьМ пресс-сулууспата иһитиннэрэр.
Суоппар, 22 саастаах Кыргызстан гражданина, сымыйанан оҥоһуллубут бэлиэлэрдээх тырааныспары салайар дастабырыанньатын көрдөрбүт. Процессуальнай бэрэбиэркэ чэрчитинэн былдьаммыт докумуоннар эспэртииһэҕэ ыытылыннылар. Омук гражданнара РФ Холуобунай кодексатын 327-с ыстатыйатынан («Сымыйанан оҥоһуллубут докумуоннары, судаарыстыбаннай наҕараадалары, штампалары, бэчээттэри эбэтэр бланкалары оҥоруу, оҥорон таһаарыы эбэтэр эргинии») холуобунай эппиэтинэскэ тардыллыахтарын сөп.
Саха сиригэр бастакынан юридическай билим дуоктора, бэрэпиэссэр, СӨ билимин үтүөлээх үлэһитэ, СӨ үтүөлээх юриһа, Аҕа…
Маннык аҥар оҥоһуу харыйаны сүрүннээн кыра кыбартыыраҕа эбэтэр устуудьуйаҕа олорор дьон атыылаһаллар. Харыйаны икки…
80 Нерюнгри оскуолатын үөрэнээччитэ Бүтүн Арассыыйатааҕы «Юнармия» патриотическай хамсааһын кэккэтин хаҥаттылар. Сэтинньи 19 күнүгэр Нерюнгри…
Астыыр ньыма уустуга суох. Бүгүн убаһа тыҥатын астыырга судургу ырысыабы кытта үллэстэбит. Туох нааданый: сүөгэй, …
Дьокуускай куорат борокуратуурата быйыл саас Саха политиэхиньиичэскэй лиссиэй дьиэтигэр оҕо эчэйбит чахчытынан бэрэбиэркэни ыытта. Бу…
СӨ Тыатын хаһаайыстыбатын министиэристибэтигэр бүгүҥҥүттэн тыа хаһаайыстыбатын эйгэтигэр бэйэлэрин дьыалаларын саҕалыыры былаанныыр байыаннай дьайыы кыттыылаахтарыгар…