Омук сириттэн кэлбиттэргэ сим-каартаны кылгас кэмҥэ араарыахтара

РИА-Новости иһитиннэрэринэн,  РФ цифровой сайдыыга, сибээскэ уонна  маассабай коммуникацияҕа министиэристибэтэ БПЛА утары охсуһар туһугар омук сириттэн кэлбит абоненнар сим-каарталарыгар сибээһи 24 чаас устата хааччахтааһыны  (блокировкалааһын) тургутан көрүүнү  саҕалыыр.

Ол хайдах үлэлиэҕэй?

Арассыыйа сим-каарталаах абоненнарга 24 чааска “тоҥоруу” кэмэ буолар:

-өскөтүн сим-каарта 72 чаас устата мобильнай ситимҥэ регистрацияламматах буоллаҕына;

-норуоттар икки ардыларынааҕы роумингтан төннөргө.

Ситимҥэ хос хайдах холбонуохха?

Сим-каартаҥ хааччахтаммытын  туһунан иһитиннэрии сибээс операторыттан смс нөҥүө кэлэр. Иһитиннэриигэ олохтоммут хааччаҕы устуу ньымаларын ыйаллар. Оператор ыыппыт сигэтин туһанаҕын, ол кэнниттэн интэриниэт уонна смс холбонор.

Ону таһынан Колл-кииҥҥэ эрийэн хааччахтан тахсыахха сөп.

Сиһилии иһитиннэриини бэйэҥ операторгыттан бил.