Омук устудьуона таҥас уоран тутулунна

ИДьМ Дьокуускай куорат 2-c №-дээх полиция салаатын дьуһуурунай чааһыгар Кулаковскай аатынан уулуссаҕа баар устудьуоннар уопсайдарыттан хас да үҥсүү киирбит.

Ол курдук, устудьуоннартан сибиитэрэ, футболка курдук таҥастар сүтүтэлээбиттэр. Суһал көрдүүр үлэлэр түмүктэринэн, холуобунай ирдэбил үлэһиттэрэ 21 саастаах сүтүктээх оҕолору кытта биир уопсайга олорор омук устудьуонун туппуттар.

Арассыыйа Федерациятын Холуобунай Кодексатын 158 ыст. 1 ч. «Уоруу» диэн холуобунай дьыала тэриллибитин ИДьМ пресс-сулууспата иһитиннэрэр.