«Онкодесант» кулун тутарга Үөһээ Бүлүү улууһугар тиийэн үлэлиэ.
Дойду бэрэсидьиэнэ Владимир Путин көҕүлээбит «Доруобуйа харыстабыла» национальнай бырайыак тутаах хайысхатынан, искэн ыарыылары утары охсуһуу буолар. Маныаха өрөспүүбүлүкэҕэ искэн ыарыытын эрдэ билиигэ уонна эмтээһиҥҥэ үлэ ыытыллар.
Өрөспүүбүлүкэтээҕи онкологическай диспансер мэдиссиинэ тэрилтэлэрин бастакы сүһүөх звеноларын кытары искэн ыарыыларын эрдэ быһаарарга үлэлэрин күүһүрдэллэр. Маныаха диспансер көһө сылдьар үлэтэ көдьүүстээҕин көрдөрдө. «Онкодесант» мобильнай мультидисциплинарнай биригээдэтэ өрөспүүбүлүкэ саамай ыраах улуустарыгар уонна уустук суоллаах-иистээх нэһилиэнньэлээх пууннарыгар баран үлэлиир. Биригээдэҕэ онкогинеколог, онкохирург, маммолог, эндоскопист, УЗИ бырааһа бааллар.
2023 сыл түмүгүнэн өрөспүүбүлүкэтээҕи онкологическай диспансер үлэһиттэрэ 13 улууска сылдьыбыттар, ол иһигэр сэттэтэ өрөспүүбүлүкэтээҕи мобильнай биригээдэни кытары сылдьыбыттар. Онколог-быраастар улуустарынан көһө сылдьан көрүүгэ уопсайа 3858 киһини хаппыттар. Итинтэн 247 киһини өрөспүүбүлүкэтээҕи онкологическай диспансерга эбии көрдөрөргө ыыппыттар.
2024 сылга «онкодесант» кулун тутарга үлэтин сөргүтэр былааннаах. Исписэлиистэр Үөһээ Бүлүү улууһугар тиийиэхтэрэ. «Онкодесант» искэн ыарыытын эрдэ билэр, ыарыыны утары охсуһар уонна ыраах улуустар олохтоохторугар мэдиссиинэ анал көмөтүн чугаһатар, Саха сирин дьонун-сэргэтин доруобуйатын харыстыыр сыаллаах- соруктаах тэриллибит.
СӨ Ил Дарханын уонна бырабыыталыстыбатын пресс-сулууспата
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…