Онкодиспансер тутуута 81% бүтэн турар

Бүгүҥҥү күҥҥэ Дьокуускайга Өрөспүүбүлүкэтээҕи онкологическай диспансеры тутуу 81% бүтэн турар. Ол эрэн, тутууну болдьоҕун иннинэ бүтэрэр былааннаахтар.
Бу өрөспүүбүлүкэҕэ биир саамай бөдөҥ мэдиссиинэ тэрилтэтэ буолар. Быйыл ахсынньыга тутуллан бүтүөхтээх. Саҥа киин бары ирдэбиллэргэ эппиэттиир, үрдүк технологиялаах аныгы тэриллэринэн хааччыллар.
Онкодиспансеры тутуу 2019 сыллаахха саҕаламмыта. Киин 180 куойкалаах, күҥҥэ 210 киһини көрөр кыахтаах поликлиникалаах, уопсай иэнэ – 25,6 тыһыынча кв.м. Дьиэ 4 блоктаах: бастакытыгар поликлиника, иккискэ – эпэрээссийэлиир блоктар, үһүскэ, төрдүскэ – сытар балыыһа (стационар).
![]()
![]()
![]()
![]()
Ил Дархан Айсен Николаев бу күннэргэ тиийэн, тутуу хаамыытын баран көрдө-иһиттэ, сүбэ мунньаҕы ыытта. Билиҥҥитэ тутуу 81% бүтэн турар. Тас үлэтэ бүтэн, ис өттүгэр үлэ элбэх, ону тэҥэ инфраструктуратын оҥоруу, анал тиэхиньикэтин туруоруу күүтэр.
Хаартыска: Андрей Сорокин.
Сообщить об опечатке
Текст, который будет отправлен нашим редакторам: